Stefan WUL « Niourk »

Virat de la persentacion :

A la desbuta eriá Pierre Pairault, eissit ne’n 1922 a París. Faguet lu chirurgian-dentiste de’n prumier. Ne’n 1956 sautet Stefan Wul dins lu monde de las letras francesas, chas los de la tireta « anticipacion ». L’espelida balhet daus chap-d’òbras coma Niourk, Oms en série1, L’Orphelin de Perdide2 o d’enquera Noô.

Eu ‘chabet de paiar son chamin ne’n 2003.

Tant iò dire, aiá jamai res legit dau Wul avant ‘queu Nadau. Quauqu’un m’aviá balhat « la Planeta Sauvatja » e aviá jamai fai ‘tencion a l’òbra d’ente lu filme eriá estat tirat. ‘Quò fuguet un pauc parrier per la bede « Niourk ».

E, i a gaire suritiguet dins las noveutats bedes « Oms », de lu feulhetar me faguet me tornar ‘pelar l’istòria, e lu tipe dau raijon m’eipliquet tots los liams.

Adonc, lu pair Nadau portet lu roman a un de mos nebots. Qu’es un libre per goiats, adonc, lu temps d’un Orleans Lemòtges, la legida fuguet facha. Espera nonmas qu’eu prenguesse tant de plaser que me a la legida… e per son aniversarí, passarai a la bede.

Eimatge tirat d’aqueu site (>fr)

Darnier de cuberta dau roman :

Los òmes davaleten dins l’evolucion ad una primitivitat a la seguida d’un auvarí nuclear. Son dins una mòda de survia, sos la fòrma de tropeladas. Dins una d’aquela tropa, eisiguet un jorn un goiat negre, adonc regietat per los seus e mesma comdamnat a mòrt per « lu » que parla coma los dius.

Lu goiat prenguet la rota per Niourk, la ciutat daus dius, e qu’es son chamin qu’es contat dins lu libre…

_____

1 adaptat ne’n dessenh animat per René Laloux sos lu nom de « La Planète Sauvage »,

2 adaptat per Moebius sos lu nom de « Les Maîtres du temps ».

Publicités