Anguí pas me monstrar, legissí Charlie

Anguí pas dins las ruas lu dissabde, lu dimenc pasmai, e lu pauc vut, auvit e toïtat aquí o alaï per los d’Orleans me iò fan pas regretar per un euròs.

D’enquera una vetz, de costuma chie sus las manifestacions apres las rencontras de fotbabala tant coma sus las rencontras saussiçon-pinards de fessabocq o b’etot las festas apchatagues #120letraspermeisprimar, qu’es pas per surtir sur ordre nacionaliste e estre recuperat per la sega ; non marces, ai desjà balhat.

E dins dos ans la filha l’òdi au segond torn…

Adonc, metí dins lu minja musica un cede, puei torní legir los fòra-serias de chas Charlie :

« Les Mégret gèrent la ville » (1998) dau Luz, que pense que i a res de chamjar a las caricaturas dins las vilas regentadas per los dau FN, pense aquí a Beziers mas maitot a Hayange e las autras…

Dins un esperit un pauc desparrier mas tant mocandier « Dick Talon – Nazillon » (2007) dau Willem. Lu libreton conta las aventuras d’un militan FN que compren res de res aus ordres balhats.

« À bas la pub » (2001), « Bon appétit » (2013), o d’enquera « Vu à la télé » (1999) que i a res de mielh que lu trach dau Bernar per far veire la misera de l’ordinari de la televicon.

« Le tour de France du crime » (1999) dau Riss. La misera dau monde es coma las nivoladas de Tchernobile, ela se ‘resta pas a la frontiera, tant de l’esperit daus umans que de las classas socialas.

« Un turc est entré dans l’Europe » (2005) daus Biard e Luz. Las aventuras dau Zinar, recrutat per Chirac per far montar lu « v-òc-es » au referendum sus lu tractat constitucionau.

« 10 ans de bonheur ! » (2002), de la redaccion d’aqueu temps, mais las cubertas las melhoras per ne’n 3 mòts e 4 còps de gredons, dire lu monde.

« Maurice et Patapon » dau Charb. Que de la gent mal intencionat me’n gardeten dos limeròs, afe, espere que qu’es que quò los faguet rire, perque qu’es dròle, fòrça dròle.

« Charlie blasphème », « La vie de Mahomet 1 & 2 », daus Charb e Luz, mai daus teistes de las Fourest, Venner e Zined. Vau pas tornar sus los darniers, que ne’n parlí dins lu temps aquí, per tornar un pauc sus lu prumier.

Per « gietar un pauc d’òli sus lu fuòc » coma disen los frances, perque « fau pas aprueimar l’estopa dau fogier » per far mai occitan*, i a un articulet sus l’apòstat dins l’islam, vertadier diagnostique de la paranoïat d’aquela creiença. Que los « promotors » contra l’apòstasia son « actifs » dins las institucions religiosas representativas (UOIF, FNMF, CMF e l’UAM93**…), socialas e escolanas dins los païs d’Euròpa. I a maitot un passatge sus lu Boubakeur « noveu champion de la libertat de creire ».

Per far bona faça, i a un bilhet sus los integristes jusieus de Mea Shearim, que los talibans an daus cosins sens iò voler***, mas ilhs qu’es nonmàs diu qu’es cranh, fiu !

I a maitot una de las rasons que fan que lu Charlie desparlava mens sus los jusieus, qu’es pas una supersticion proselita. Quò qu’es eimatjat per las Fourest e Venner que son convidadas a la legida de la Torah. E còp-sec, lu rabin se pren un vira Marion.

Parlarai pas aquí daus integristes liats au crucifiat, per ne gardar que los noms daus repersentants de la catolituda nacionala, los Raoult e Roubaud.

« Tout discours, cri, menace, écrit, imprimé, dessin ou affiche outrageant, portant atteinte volontairement aux fondement des religions, est une injure »

Perpausicion de lei dau Roubaud (UMP)

I a pas besonh de tornar dire que los islamistes e los vaticanistes que son dins las institucions internacionalas coma l’ONU pertajan lu mesma eivís que nos dos craucs dau cuòu.

I a mestier maitot de rire daus Sikhs mai la repersentacion de lur biron sus la testa, daus pagans desbastelaires, daus fracassats dins las sectas, daus sens-dius que minjam los eifants sans parlar daus adorators de Senta Grafia****, non quilhs darniers tuan pas per lur eideia, beleu nonmàs perque an pas lu poder, beleu.

Webcam-1420998222

____

* E de per la bona ajuda dau Micheu Chapduelh.

** ‘Netz pas sus lu site internet, ‘natz purar d’esfrai.

*** I a una virada catolista daus interdits dins lu filme « Chemin de Croix » dau Dietrich Brüggemann.

**** que « cal escriure Santa ».

Publicités