Comparason es pas rason

Un bilhet dau ‘vendres tirat de mon site, desjà publiat ne’n 2011.

_____

Veiquí lu « Gesú solhat » ‘na fresca dau sègle XIV pinturada dins ‘na chambra per los monges.

Cellule_7

L’eimatge ven d’aqueu site (>fr) que parla de Florença

Lu bastiment es totjorn quilhat d’en-pè sos la fòrma d’un museu. M’es ‘vís que los integristes religiós, quilhs qu’esbolhaten lu « Piss-Christ » (>fr) o b’etot los de la pèça de teatre (>fr) dau Castellucci devrián nurir d’un pauc de cultura lu bocin aflacat e conhat dins la poncha de lur « estre » ‘vant de far de las integristarias, emai l’i aguesse de las chausas de dire sus l’òbra dau Serrano, e d’enquera mai sus la chausida de las datas de l’erpausicion.

Veiquí un dessenh, dau segle XXI, dins la premsa per far rire.

Lu dessenh ven dau bilhet sus Rua89 (>fr)

E la resulta :

La fotò  ven dau bilhet sus Rua89 (>fr)

Emai aquò poguesse estre estat realisat per los dau FN o los Identitarís, ‘quò fai pas bon estre laíc o se pensar enta (ateu ne’n occitan oficiau), dau còp lu ‘chaptí…

  • De legir un contr’eivís (>fr). Sei pas fòrça-fòrça de consent coma lu site, mas i a daus arguments au mitan de « las caricaturas ».

Afè, veiquí daus gredons talhats ne’n fòrma de bestarias e fotografiats :

E aquí, Dresda après lu bombardament de 1945 tirat de la ouisquipedià (>fr) :

Me pense que los dau Charlie Hebdo (>fr) pigolhan lu cerveu nonmàs mai lurs gredons. Me songe maitot que las bombas son lançadas desempui daus avions e non per los Diaus, quau qu’ilhs siàian. ‘Tencion, i a p’un liam dintra las très religions farjadas de gruns de sabla : Jusiva, Catolica o Musulmana, mai la vila de Dresda, qu’eriá per chamjat d’Orador o Nagasaki 長崎市.

° ° °

Après, n’i a un raconta bodiste que ditz :

Una vetz, i aviá dos monges perduts dins ‘na tempesta de nèvia. Lu pus vielh diguet :

« Veiquí ‘na chauna, ‘nem i durmir per la nueit. Troba de que nos ‘lumar un bon fuòc. »

Lu segond charchet dins los alentorns e trobet res. ‘Laidonc, lu vielh disset :

« Es pas tant greu que ‘quò. N’autres vam estre acialats de la nèvia, ‘nam brutlar aquela statua dau Budhā. ‘La nos chaufará la nuech.  »

Lu jòune protestet, qu’eriá brutlar lu Diu©. Entau fasent, lendeman mandin, se desvelheten. Lu jòune aviset lu vielh après farfolhar dins las cendras.

« Perdequè fasetz ‘quò ? »

«Maucresent que te ses, quante un Budhā murís, son cur deven un diamant, e ne’n trobe p’una traça. Afè, sem vius tots dos d’aver fach un fuec ; deguetem far brutlar nonmàs dau buesc ».

° ° °
‘Tencion, picatz l’eimatge pòt vos far sosrire.

Publicités