Chapitre 20 Lu dissabde 8 de novembre

Lu dissabde 8 de novembre, gara de Lemòtges

Depeschatz vos, anatz estre tardiera, veiquí vòstra valiseta a vòstre sac.

Piarron, se us platz, am d’enquera un pauc de temps, afe crese. D’alhor quò se ditz que n’autres am lu temps e que son los parigòts qu’an la montra.

‘Netz lur dire, quò vai los rendre plasents, desjà que montran facilament las dents. Anetz, vos bische, bon viatge. E tascharai d’anar vos veire a La Rochela un jorn.

Anetz, ‘quò fuguet un plaser de trabalhar coma los vòstres, vos daisse dau trabalh e lu Alan. Lu Alan es per vos aidar, pas per vos fleunatz. Eu deu estre tornat diluns au pòste, mai mos autres afars. Obludaretz pas de far ‘tencion a la pita Severina, qu’es una bona goiata ela-tot.

T’ses segur d’estre dins lu bon tren, Silvana. Veiquí ta plaça. Te fase pervenir una copia de mon article dins lu Popularí dès que l’ai ‘chabat. Per lu roman dau sègle, crese que qu’es pas me que ne’n sei l’escrivana. Afe, aprofeitetz tots dos de vòstra virada parisiena. As de la chaënça, tots los tren son estats a l’ora aüei, coma dins un certan crimi.

‘Resta goiata, parla pas de malur e davala vista, lu chap vai siublar lu despart. Te laisse lu Alan d’aici dimenc ser, tant que sa bataria es plena

Silvana !

dins la veitura, de segur. ‘Quilhs jounes, ‘quilhs jounes. Desjà que qu’es sus lu compte de la meijon. Per la plaça, qu’es la bona, e i a jamai degun dins los trens a reservacions oblijadas, Guilhem me la telefonet 3 còps, come per estre segur de m’i trobar. Arribarai a París vers mieijorn, Guilhem, se, arribara un pauc pus tòst e ven me charchar a Austerlitz per me menar directament au restaurant puei a l’erpausicion sus lu Matsumoto. Lu grand marcejarai ‘queu-quí, coma lu li devem dins ‘quela istòria aura ‘chabada.

 

~ Fin finala ~

_____

nanowrimoc

~300 mòts per ‘queu bilhet, quauques 34150 sus los 50 000 damandats
(35000 sirán ‘na reüssita de mon punt de vuda)

_____

Publicités

2 réflexions sur “Chapitre 20 Lu dissabde 8 de novembre

  1. donna1653 27/11/2014 / 09:00

    Fin finala ?

    Qu’es pas acabat lo mes !

    J'aime

    • janpeire 27/11/2014 / 09:55

      De segur que lu mes es pas ‘chabat, mas mon istòria l’es, adonc quauques 34000 mòts, mai ‘na carta per los trens e la cuberta qu’arriba de ser, me songe que de mon costat, tenguí lu contrat.

      J'aime

Les commentaires sont fermés.