Chapitre 10 Dimars 4 de novembre, comissariat de La Rochela

Dimars 4 de novembre, comissariat de La Rochela

Los doç raijons de solelh de la desbuta d’apres mieijorn s’eissegián d’aicí lu cuòu dau comissariat. L’inspectritz que venia de ‘chabar son càfe manhet lu telefone per ‘pelar sos collegas e preparar l’inculpacion dau Cristian Labecqua.

Es lu Alan qu’aviá lançat l’eidèia.

Aimariá far coma v’autres tots una recapitulacion de quò que sabem sus l’afar Anna Labecqua. Vau vos dire coma aviese las chausas, apres me balharetz la condraccion. Vos fau segre sus lu tableu blanc las estapas.

0) Anna Labesqua s’entorna d’Anglaterra apres ‘na setmana de vacanças. Una suposicion es que dins ‘quela setmana ‘la prenguet la decision de laissar son òme per viuvre sas adventuras femininas beleu mai la blonda que ‘pelem « la misteriosa Maëlina Campanys » e n’autres sem d’enquera apres la charchar, o beleu mai son amanta bruna, que las femnas de l’ostel descrivan coma « una parisienna ». Enquera un còp, son de las perpausicions de trabalh.

1) Quò qu’es segur qu’es que ‘la pren lu tren a l’ora, a París a 16:12, un tegeve direct per La Rochela.

2) Lu tren ‘riba a 19:26, a l’ora.

3) De la gara a l’ostelaria fau de 20 à 40 minutas segond que setz bon marchor o beleu qu’atz ‘na valisa . Faguetem ‘na simulacion mai una femna e ‘na valisa, un òme sòu normau. Iò faguetem maitot mai un maratonian mas la resulta es grán credibla. Nos sonjam que ‘la deguet arribet a l’ostelaria vers las 20:00.

4) Aquí, i a pus res de segur. Son òme, lu Cristian Labecqua l’ataca e la tua. Eu poguet intrar apres s’estre fach dubrir la pòrta per ‘na compliça. Sa compliça auriá estada prevenguda per telefone desempui lu tren.

5) Los dos surtisseten normalament per la pòrta de secors.

6) Quante arribetem chas se lu dimenc ser, eu eriá beleu apres far las valisas mesma se nos diguet lu contrarí. Vei-la-quí mon eidèia, atende vos comentarís.

Lu prumier de dire quauquares fuguet lu Khurram, l’analiste.

Sei de consent per los punts 0, 1, 2, e 3. Comprene pas perque lu tipe tuet pas sa femna dins lu tren. Podiá l’estrangliar, tirar l’alarma e la gietar defòra, fin de l’istòria. O beleu la tuar dins un compartiment.

I a pas de compartiment dins los tegeves.

V-òc-es mas eu pòt la tuar e aranjar las chausas per far creire que ‘la duerm.

Un autre diguet

Crese pas que en 0 fau pausar coma certituda que ‘la voliá daissar son òme. E puei, beleu qu’eu sabiá pas qu’ilhs erián dins lu mesma tren. Es beleu ela que lu viguet de’n prumier sens saber perque eu se trobiá aquí dedins.

Se coneissiá sos orarís, eu deviá estre quasi certan que ‘la se trobará dins ‘queu tren. Khurram balha me las fichas SNCF©…

I aviá pas tròp de trens perque eriam dins ‘na velha de congiers.

La silvana intervenguet.

Per saber se eu ‘pelet quauqu’un desempuei lu tren am las analisas de sa linha de telefone, de quò que ‘quò balhet.

Daus còps de fiu desempuei Orléans lu ‘vendres mandin, professionaus, qu’eriá per son merchant de lampas. Quauques textonets mai Madama Fontanilhas per lu desjunar, puei res d’aicí lu dimenc mandin qu’eu telefonet a sa bela sor. I a per contra gròs de consomacion de donadas per naviguar sus la tiala ; eu es abonat aus flus de quauques blògs sus la fotografia e sus los bonzaï e aus flus de quauques jornaus coma lu Monde©, lu Jornalet©, Rua89©, ZoomJapan©.

Adonc coma auriat-eu pogut prevenir sa compliça de venir dubrir la chambra. Ne’n mai d’aquò coma sabiá-t-eu que sa femna ‘nava pas rintrar meijon directament ? Se mesma nos diguet aver pres un taxi de la gara a chas se, e ‘quò estet confirmat per los relevats de la banca.

Alan de veire son trabalh desboirat diguet.

Qu’eriá beleu un planh prevut depuei un momint. Sabem que la chambra es estada reservada depuei una setmana. Beleu qu’eu anguet a París per paufinhar son alibis, daissar de las traças mai sa maistressa e s’assegurar que sa femna rintrava be. Una vetz dins lu tren eu la velha per a la surtida de la gara la contrendre a lu segre a l’ostelaria ente sa compliça l’espera. Dins lu tren eu confirmet mai lu pòrta-onda de quauqu’un d’autre.

Non, ‘quò ten pas, l’ostelaria reservada eu podia intrar mai lu code envoiat per sa compliça, i a pas mestier que ‘la faguesse la comedia davant la camerà, au contrari, qu’eriá mai segur d’intrar per la pòrta codada, perque ‘la es pas susvelhada… Crese que podem pas grand chausa avant de ne’n saber mai sus ‘questa Maëlina Campanys. Autra chausa ?

Au limerò 4, sabem que deguet pas i aver de luta, sauv lu dessus de liech, res es estat tochat. Quò fai que vese mau la Anna segre gentament son òme per que qu’eu-quí la faguesse s’estofar mai ‘na bilha. Sabem pas se las prumieras marcas son las d’un òme o d’una femna. Beleu que la Anna parlava mai son murtier o sa murtriera e que ‘la engoletet la bilha per error.

La Silvana coma lu Alan digueten de bana.

As rason sus l’absença de luta.

Perdon, inspectritz, vos laisse parlar.

As rason sus l’absença de luta. Mas crese pas que quauqu’un fai venir ‘na femna dins ‘na chambra per la gaitar se tuar estofada mai ‘na bilha qu’anet de trabers. Aquí i a un chause de pas clar. Las marcas portan de creire que l’intencion eriá de tuar, mas la bilha fai creire un accident.

D’enquera lu tipe.

Au limerò 4, sem segur que qu’eriá be la Anna qu’eriá visada ? Qu’eriá beleu la blonda misteriosa, que la Anna intret dins la chambra la prumiera, e fuguet entre crochiers « forçada d’engolar ‘questa bilha ».

Una policiera intervenguet.

Nos fau estre mai psicologues. Coma iò ditz Silvana, un òme que fai venir ‘na femna dins ‘na chambra d’ostel per la tuar, es pas fòrça aisat de creire. D’autan mai que l’ipotesa de despart es qu’eu a paur d’estre daissar perque se, ne’n vei una autra. Mas beleu qu’eu descubret que sa femna aviá de las relacions en defòra de lur còble. Beleu be qu’eu descubret que sa femna eriá bisseissuala e que ‘quò lu desgotet e per conservatisme, beleu per religiositat eu la tuet coma per netiar ‘na tascha, lavar un pechat, o un quaquares entau.

Fiuuu Faguet la Silvana.

N’aviam pas vut aquò. Mas dins ‘queu cas, de que qu’es ‘quela femna que preten aver obludat lu code que qu’es ela que faguet la reservacion.

Beleu qu’eu la tuet dins la chambra reservada entre crochiers « ne’n la forçant d’engolar ‘na bilha », que la reservaira aviá fach nonmàs passat e eriá pas aquí quante la Anna ‘ribet.

La misteriosa femna seriá vengut un còp dins la chambra, puei ela suert per sonjar tornar un pauc pus tard. Non, la blonda es dins lu còp perque ‘la es pas anar atendre son amanta a la gara, e se ela eriá surtida far un torn, ela deguet s’entornar dins la chambra, e dins ‘queu cas, ela auriá balhat l’alerta…

Nos fau trobar ‘questa Maëlina, e vista avant que la gent se meten de desparlar sus l’afar.

Qu’es pas tant que los Campanys siguessen nombrós a Esgolesme, mas fau prener lu temps de verifiar. Sabetz que lu compte bancarí es lu d’una associacion per sauvegardar los grands requins blancs dins la Charanta.

Perdon ?

V-òc-es. Es una Campanys que ten ‘quela associacion. Fagueten una manifestacion la dimenjada passada, afe, oficialament qu’eriá « una jornada d’observacion dau requin charantes » e puei d’aucuns vogueten cassar coma de costuma.

Daus nòstres d’enquera.

Non, pas aquí, son pas meschaënt ‘qu’ilhs quí. Afe, La Campanys que regenta tot, apres s’estre entornada chas ela lu dimenc ser, eriá convocada per los collegas de Conhac lu diluns. I a de fòrtas chaënças per que la Maëlina siguesse sa filha e que ‘las vivessen totas doas dins lu mesma apartament a Esgolesme.

La mair en defora d’estre una estrema ecologista, fai la psicoterapeuta dins lu domení de la Calmituda©.

La Silvana enregiestret tot aquò e damandet se lu monde present aviá autra chausa de dire, que fin finalament, van nonmàs convocar lu Cristian per qu’eu venguesse se sinhalar tot los jorns au comissariat.

Sauv error, setz segur tot dos que, au limerò 6 lu Cristian semblava prest a fuguir ?

Per iò dire franchament non. Mas es un artiste, eu deu saber jugar la comedia.

Alan, mon paubre, tu ne’n es un bra’e de comedian. Tu ne’n fagues pas un an de temps dau teatre per la Natalia ?

N’autres eriám amorós, afe, amators, qu’es pas parrier. Se monta a París dins quauques temps per una erpausicion, qu’es un professionau.

 

nanowrimoc

~1 450 mòts per ‘queu bilhet, quauques 17 520 sus los 50 000 damandats
(35000 sirán ‘na reüssita de mon punt de vuda)

_____

  • Lu site dau NaNoWriMo (>en)
  • Le site pour les francofones, phranquophones, pardon, les francophones (>fr)

Publicités