Freier Fall – Free Fall – S’esvedelar

‘Na pagineta per parlar daus eimatges que botjan.

Eria lu festivau de filmes gais, que fau dire aura LGBTTTHQI (Lesbian, Gai, Bi (quilhs que volem, lu burre, lu biron dau beur mai la natura de la cremiera (mesfiatz v’autres, la bifòbia sera l’enjuòc de 2017), Transgenre, Transidentarí, Transessuaus-alas, Heteroflessible (quilhs que ‘na vetz lu prumier eisamen de la prostate passat se descubran de que prener dau plaser d’aici los seissante-dietz ans), los-las que se pausan de las Questions, Indeterminat-abla-s.

– Qu’es aisat ‘quò.

– Au jorn d’aüei, la gent.

– V-òc-es, dins lu temps, i aviá pas tot aquò, mai ilhs fasian.

– De segur. Gaitetz, lu L. sa femna eria pas pertit per res…

– Que son comis fasia pas que toschar las vachas !

– Quò se ditz.

– Mesma un brave tipe, totjorn prêt a aidar.

– Per aquò, eu eria pas fenhant, quante quò comandava…

Bon, setz pas venguts sus mon cibercaier per legir de las conarias. Vau pas parlar de la serada filmes-corts (>fr) perque ilhs erian tots bons, e, d’aviesar las tematicas, los nòu filmes representavan totas las possibilitats identitarias.

Mon mai aimat es lu sus ‘na goiata que d’estre gaitada, e de gaitar ela-tot un tot pitit temps, ne’n es tota virada, esmouguda.

Mesma pas dietz minutas per ne’n contar.

Freier Fall – Free Fall – S’esvedelar , es lu titre d’aqueu bilhet, es maitot lu titre dau prumier filme dau Stephan Lacant.

Marc es un joune òme que fai lu CRS dins Leipzig. Mai sa femna, lu goiasson apres sautar, sa vita sembla ‘na linha drecha. Mas, dins un centre de formaci’ de la poliça, eu fai la conaissança dau Kay, e veiquí pas qu’eu se troba daus sentiments per son collega. Tirat d’una part per son coble, sa familha, d’autra part per lu monde dau Kay, eu regenta pus gaire sa vita.

Ne’n defòra de veire qu’un policier gai demora un policier, es de dire que quante fau tustar, fau tustar, es vertadierament un bon filme. L’actor principau es veraiament credible dins lu chaminament que pòt far un tau questionament, sem portats per lu trebloci, los bruchs de son estre interior.

Publicités