Linga de palha – lu tren

‘Mesfiatz v’autres, la confrairia lemosina dau « « e » de sosten » talhet un manteu blanc-erminat per portejar ‘queu bilhet.

Pòde far la linga de palha sus los trens, aura que sei tornat, rintrat, e que los congiers d’iverns siran tòst marcats dins lu calendier.

Sabetz que ‘trapar un bilhet per ‘nar a Lemòtges vai ‘ribar tant aisat coma ‘trapar un margaud sus luquau gietatz de la sau :

– [ Ad Orleans ] Non, non, non, i a pus de TER… fau estre moderne… Teòz… reservaci’s oblijadas… pas de temps d’atenta.

Res de nuòu. Sem pus daus viatjors o daus usagiers d’un sevice publique, ebe, d’un ancian servici publique, sem nonmàs daus consomators. Lu temps qu’ilhs taschan de me far aimar lu tren es beleu inversament tant grand coma l’enveia qu’ai de ‘chaptar ‘na veitura, de las vetz. Afe, es entau.

Dins lu tren se-mesma, un TER, res de dire ne’n defòra de la Jenifar de Vierzon, que coma la p’ita lum ‘lumada ente fau ‘pulhar es un quauquares de malaisat de comprener, ‘laidonc, vei-la-quí apres maniar lu varruelh dau contròtlor, ebe, lu sinhau d’alarma. Es lu contraròtlor que li grimpet dessus per dubrir, ebe, que grimpet la valisa per ‘trapar lu boton.

V’autres atz be l’esprit mau plaçat.

Fau pas estre mocandier de la generaci’ nascuda dins los automatismes e la virtualitat, fau pas se mocar perque ‘quò fai montar lu FN, emai ‘la goiata votesse beleu jà per…

Lu concèpte dau Teòz, lu segond tren, pres a Vierzon, es que ne’n mai de costar char, eu pòt pas ‘ribar a l’ora marcada sus los bilhets. Totjorn tardier de 5 a 10 minutas, mesma apres lu grand chanjament d’orarís qu’eria per que pus jamai los trens siguessen tardiers… A Vierzon, es « concepte » d’autant mai que la SNCF ne compte pas los retards que van pas dins lu sens dau vent per far creire a 99 % de tren a l’ora.

‘Queu diluns, es 15 minutas, per de las rasons desconegudas : lu Ben Laden dau Centre, l’Ultrà-iper-gaucha dau Vals, la Verja qu’ilumina lu distributor de càfet…

Paiar mai per aver mens. Aiá promes a la tipessa d’Orleans, mai 5 minutas de retard, de li gietar los bilhets dins la margoleta, ebe, de li ne’n far un trona-z-i Maria, afe, atz compres…

‘Chabe per ‘ribar a Lemòtges. Sus lu quai per Sent Junian, coma qu’es indicat « defensa de fumar », un gròs paneu, es l’endrech ente i a la pus granda concentraci’ d’agent de la SNCF, per fumar… lu second còp que ne’n visarai tant es dins mon pitit tren, doas veituras, per me menar d’aicí St Junian.

Quatre qua’iement tant coma de personas, per ‘na belota ?

tren

Deve semblar ‘quò dins la gara d’orleans ente ‘quò plou e ‘quò nevia (l’ivern), ‘na gar tota nuovatren2
E aquí dins lu machineòz

[ mair – nebots – sòrs – nebotas – tantas – frair – oncles – cementerís – libre – televicolha – veitura – plueia – margauda – veisin-a-s – solelh ]

Per m’entornar, estranjament, es mai aisat. De’n prumier consurtí los orarís sus la tiala, viguí mon, afe, mos TER, lu copeten, marchatz saber perque.

– [ A Sent Junian ] V-òc-es, i a daus TER, v’autres atz ‘ver dau temps d’espera a Lemòtges, mas es possible. Atz gaitar avant de venir los orarís sus l’internet per iò saber ?

A St junian, lu tipe darrier los guichets, lu comptador, es pas d’enquera promogut « agent commercial SNCF chargé d’arnaquer la clientèle nationale et internationale dans une perspective de développement intergalactique ».

Eu deu estre màs a l’eschalon « région Limousin ».

Dins tot aquò, faguí 25 % d’economia, 9€00, sus lu mesma nombre de quilometres.

Lu jorn que la gara d’Orleans sera barada, passarai consolar la tipessa.

De segur, avia mau carcular lu temps d’atenta a Lemòtges, mas, sei pas chargeat coma ‘na chareta de fen, me permení dins la gara, prenguí pas de biera perque aquí maitot, « per far de la gara ‘n’espací de vita », per que la gent se passessen los nervs autradament que sus los agents, i a un pianò , es de dire una machina que fai dau bruch.

La musica deu s’escotar dins las salas farjadas per aquò.

La SNCF faguet la chausida dau TGV contra tota logica, faguet la chausida de far paiar char per restar dins las garas e esperar los trens tardiers, faguet la chausida de laissar s’esbolhar lu reseu regionau…

Ce train arrivera en gare d’Anvers-Berchem avec une minute d’avance. Nos excuses pour ce désagrément

Sur une année, les retards cumulés des TGV français représentent 550 à 600 jours, sachant que seuls les retards supérieurs à 5 minutes sont comptabilisés. Les retards annuels cumulés de tous les Shinkansen se comptent en minutes, voire en secondes les très bonnes années (alors que les Shinkansen sont beaucoup plus nombreux que les TGV). Les Shinkansen sont toujours ponctuels.

Faguí la chausida de segre ‘na chaucida dins lu parc, e avant d’atrapar mon tren, la ‘trapar.

____

Res per ‘na vetz

Publicités