Un dessenh d’estiu

Non, ‘queu cibercaier se prend pas per lu de la Patricia© (>òc)

 

margaudaMargauda espaurida per lu grand badeu que la 'visa.

La margauda chas ma mair minonet ela tot. Malaürosadament, tant a la prima ma mair poguet ne’n servar un, ‘questa vetz, sus los 4, 3 crebeten la prumiera nuech e ‘la tuet lu 4eme quitament ‘na setmana apres.

Es ‘na tota p’ita margauda, ‘na margaudeta, que a la desbuta l’eria per ma nebota, que son copanh ne’n voguet pas, adonc qu’es ma mair que la prenguet veiquí quauques 5 ans, mas ‘la frutget pas. Minharda, mas paurosa davant los goiats o me…

Coma ma mair, que velha sus tot aquò, iò ditz :

‘La es minharda, ‘la sap que fau pas junh las irondas, que fau pas que ‘la mingesse las rapietas 🙂 desjà que ‘la es tota mingreleta.

Quau que siàia, sabem pas perque ‘la tuet los margautons.

‘Quò qu’es estranh qu’es que lu jorn que ‘la tuet son pitit, ‘la miaunava mas ‘la menet pas ma mair ente eu eria conhat, ‘la m’i menet me, marchatz comprener. ‘La lu tuet lu jorn apres que mos nebots vengueten* lu veire, nebots joiós perque lu sauvat eria per ilhs.

2 jorns apres, davant chas ma mair, i avia ‘n’autre margaud apres miaular. Mas la margauda voguí pas lu veire. Rensenhaments pres, qu’eria ‘queu de la veisina, e s’etot, survivet pas…

____

Maj dau 11 de setembre, a mieijorn : i a ‘na competici’ amicala de duberta, nos manca 2 margauds :

Els 4 Gats, les quatre chats

non, ‘nam pas los far batalhar…

____

* ai pas mon fialat per las fautas, espere que ne’n lemosin « fau » queraque metre un « indicatife** » (temps dau far) apres « apres que » coma dins la linga dau Rabelais. Autradament, i a un quauquares de desvirat dins nòstre cerveu, perque quante l’acci’ es ‘chabada es pus gaire lu temps de far de las ipotesís (lu ròtle dau subjonctife**).

** un messatge dau « comitat de sosten dau « e » »  (>gsc).

Publicités