3 filmes longs

Wrong cops (vuda de l’eimaginarí)

Res de grand eistraordinarí dins ‘quela comedia. Un policier vend de la dròga, ‘n’autre es obsedat sessau, d’enquera ‘n’autre fai lu passa-disque, un filme que montra daus policiers que se’n foten de la lur « mission » d’aici veire una policièra jugar la mestressa chantadosa.

Las situaci’s montradas viran vista ne’n aiga de bodin…

Braddock America (documentarí)

Un fòrça bon documentarí que nos fuguet persentat per los d’ATTAC avecque lu realisator qu’eriá ‘quí.

Lu filme conta la vita dau berç de l’industria siderurgica americana. Visem la resulta de las delocalisaci’s per produre mens char alhor e per poluar mai, ‘quò qu’es ralament dich aus comsomators o beleu pas totjorn compres.

Lu filme montra la richessa passada que se contava ne’n forn ‘lumat d’aici aüei qu’un sòu naut fornau es d’enquera de’n pès. ‘Na richessa que sautet mai la guerra militarí màs ‘na richessa que la guerra economica minget sos la fòrma umana ; la gent videten la vila, la vila es clafida de meijon sens degun dedins, les meijons son esbolhadas…

Tom à la ferme (vuda de l’eimaginarí)

Filme que nos ven dau Canadà francophone, ‘laidonc, i aguet de la gent per lu sostritrat (es pas ‘na conaria) EDR-LOL-MDR !

Un tipe, lu Tom, marcha afe ‘riba de Montreal au cuòu de la campanha per lu jorn que son amic ‘chaba de paiar son chamin.

Màs veiquí, degun espera apres se, perque degun sembla saber la vertat sus lu qu’es pus ‘quí, lu que s’eriá inventat ‘na vita.

Màs veiquí, lu frair Francis vai viste comprener la situaci’ e li damanda, afe, eisija de se de dire res a la mair.

Ad aqueu momint, ‘na relaci’ estranha desbuta dintra los dos tipes, meitat atirança, meitat òdi. Vut dau Tom, es ‘na fòrma de sindròme de Stockholm.

Pas veraiament un chap d’òbra, lu genre de filme que balha de las raiças a quauquas nevròsas per los gais, un lanç per los confortar que fau viure a Parí$-lu-Marai$.

Publicités