5 filmes corts

Welkom (vuda de l’eimaginarí)

Un filmonet de Belgica, francofòna, que a la desbuta, aimí gaire per causa que la representaci’ daus flamants es pas de las melhoras, emai la representaci’ daus francofònes que ‘ribet a la sega contrebalancesse ‘queu prumier punt de vuda.

Jorge aime son pair, son pair aima ‘na pola, Jorge aima pas la pola. Eu vòu la metre dins ‘na caga mas veiquí pas qu’eu bastís lu polalher ne’n Flandra. E per construre un jalinier, fau parlar lu flamand.

‘Vant que la pola anguesse dins lu juchier, ‘nam veire ‘na bra’a galaria de personatge.

La lampe au beurre de Yak (vuda de l’eimaginarí)

‘Na meravelha.

De la gent dau Tibet son convidats de prener la pausa davant de las fotografias gigantas. Entau fasent, vesem ‘na familha prener plaça davant lu Maò, ‘n’autra sus la muralha granda d’aici, una vielha femna a Disneyland…

Lu realisator eriá l’invitat de la serada. Eu eispliquet be que tot eriá jugat per daus amators fòra lu fotografe que fai veraiament lu fotografe dins la vita e maitot lu traductor, l’institutor…

  • De ‘visar un reportatge sur Arte (>tv)

37,4 S (vuda de l’eimaginarí)

Dos goiats sus ‘n’isla perduda au mitan de l’Atlantique. Lu Nick conta l’istòria de la gent que la Anne vòu pertir.

Trailer Thumb

Watch the Trailer

Arekana, la vie après (documentarí)

5 personas balhan un tesmonhatge de ‘quò que fuguet lu tsunami dau 11 de març de 2011, 5 personas dau nòrd de Tōkyō, d’Ishinomoki.

Inupiluk (vuda de l’eimaginarí)

Thomas rejunh Thomas dins un bar e l’invita per aculhir doas personas que ‘riban tot drech dau Groenland. Los dos vilauds van se trobar un pauc colhon devant de la gent d’una autra cultura.

Publicités