N’autres vam d’enquera nos far raubar

Copie-jaspisse librament aquí la desbuta d’un bilhet dau Jornalet© que parla de la radiò-activitat :

Segon d’informacions de l’AFP, an relotjat una familha lemosina que viviá dins un ostal ont se gardava un vintenat d’enfants dempuèi l’an 2000, après que s’i aja detectat d’importantas dòsis de radon, un gas natural radioactiu. Aital o anoncièt dimècres la prefectura. L’Agéncia Regionala de la Santat (ARS) a difondut un comunicat que precisa que lo 10 de març s’es informat los servicis de l’estat de la preséncia d’aquel gas radioactiu.

iò fase perque divendres, ‘ní a ‘n’amassada de la gent que lutan contra lu progier Merdathlon (>fr).

Damandí ad un tipe dau BRGM de m’assabentar sus lu radon. Lu tipe, pedològue, es de dire un specialiste dau sòl m’eispliquet un pauc lu chause de la radiò-activitat naturala, pròpria aus sòles granitiques, e dins la conversaci’, eu me parlet de las « terras-ralas » que se troban maitot dins ‘queu canton (fau ‘visar lu nòrd-est de la Nauta Viena, quò seriá dins lu triangle Becinas – Rochas Rolas – Pont a l’atge).

Las « terras-ralas » son pas tant ralas qu’aquò de per lu monde, mas per las far valer, fau daus poisons coma l’arsenic o lu mercurí, quò que fai que los USÀ per eisemple an pus de minas de dubertas.
Au jorn d’aüei, i a gairament màs la China per eispleitar aquelas « terras-ralas », e es ela que mena la dança, que fai los pritz sus lu merchat e adonc, lu contraròtla entieradament.

Sabe pas se de la gent an mai d’informaci’s aquí dessus, mas vise be ‘ribar l’afar que lu Lemosin apres s’estre fach raubar de son aur per los Celtes, raubar de son uranium per los militarís, vai se far raubar sas « terras-ralas » per l’industria numerica.

Tuatz vos jaspit-aurelhas, tuatz vos ardesas, ubrissetz las fenestras, ubretz daus libres…

Publicités