Un jorn, seram toschat-ada-s per los chivaliers de la man mança

Trobat sus SPLF45 (>fr), de la gent un pauc sòus dins lur domení.

« Publicité, sauvegarde du peuple », c’est l’inscription gravée depuis 1830 sur le fronton de l’hôtel de ville de Verviers en Belgique. (Source :  « La politique confisquée » – Fabien Desage, David Gueranger).

Mais ce qui est proclamé par cette inscription, c’est le droit d’être informé sur tous les actes de la vie démocratique pour y participer, pas celui de recevoir des pubs gratuites dans sa boite aux lettres.

Un jorn, seram toschat-ada-s per de la gent de gaucha, per dau monde a senestra, per los chivaliers de la man mança, e ‘queu jorn, las boitias aus letras seran nonmas per las letras ente i a ‘n’ adressa dessur, sauv per los-las eissabanit-ida-s qu’aurán lu drech de pausar un jaspinonet « vòle estre pres per ‘na colha, aime la publicitat ».

Mas, ‘queu jorn es pas ‘ribat, e per lu momint, sus ma boitia es marquat ne’n gròs « pas de pub, pas de propagande, même pour les sectes et les partis politiques », alaidonc, i aguet ‘na baboia de drecha que metet un papieron ente es marcat un quauquaures sus la propetat daus trepadors « moi président je niquerai mon amie invisible qui n’a pas de visage mais qui a un nom, même en scooter s’il le faut, heu ! moi à la mairie, les trottoirs seront nettoyés matin midi et soir des déjections canines ».

« Je suis ambitieuse pour l’humanité ; moi je voudrais que tout le monde fût artiste, assez poète pour que la vanité humaine disparût. »

Louise Michel

mas ‘quela promessa figura pas dins lu programe generau, la promessa de las mardas de chin, pensatz be que la Loisa es mòrta e enterrada d’annadas per los e las dau PS…

De segur i a de las chausas pus importantas de per lu monde, e mens borgesas, mas me damande :

1/ perque mentir ?

2/ perque escrire de las chausas e far son contrarí ?

Lu prumier o la prumiera que troba la color de la liste aurá drech a ma reconaissança eternela*. Per dire la vertat, far un bilhet entau mai la citaci’ de la Loisa o la sus la publicitat es un moien per me de me las conhar dins la testa.

_____

* per ‘na motivaci’, ne’n veiquí una 🙂

_____

Per trobar los sites daus politiques o de las politicas sus Orleans :

 Eistrema gaucha  Gaucha  Centre gaucha  Centre drech Drecha Eistrema dreicha
 LO  PCF, FdG  ancian Modem  PS, EELV, ancian Modem, MUP  Ump, ancian Modem, UDI, socialos modernes  FN
Contre los richards Orleans combatif e solidarí Orleans per tot-a-s  Orleans 100%  Orleans entau Ø
Farida Megdoud Michel Ricoud et Dominique Tripet Tahar Ben Chaabane Corinne Leveleux-Teixeira Serge GROUARD Ø

_____

Adjutat lu 19 de març :

lapubrendcon

Veiquí lu papieron opòrtun(iste), de circonstança, farjat apres la manifestaci’ dau 15 e a la seguida de la poluci’. Aura nos fau comptar sus ‘na publicitara per esperar pòder respirar (sens obludar que i a p’uns liams dintra bicicletejar e se far raubar sa becana). E ‘quela tipessa se ditz de « gaucha ».

Dins lu papieron liat a l’eimatge, i a mesma ‘n’aida de prevuda per la gent que se ‘chaptaran ‘na becana nucleara… EDR ‘guesse saugut ! E perque pas n’ajuda per los e las que van « d’a pè », per los-las esquetor-a-s, per los trotinors e las trotinairitz o b’etot se ‘chaptar un parapluèia contre las pluèias acidas…

Publicités