Elas, tot cort

Per la jornada intergalactica de las femnas, l’associaci’ Ciné-Mundi (>fr) persentava 5 filmonets que parlan de la destinada de femnas, d’aquí o d’alai.

« Kaveri » de la Shilpa Munikempanna (2011).

Kaveri, ‘na goiata de 13 ans, tascha de comprener quò que vòu dire « estre ‘na femna », mai que mai quante setz dins l’opausici’ coma daus goiats per saber luquau, afe laquala nada lu mielhs, quante setz confrontada a de las creienças ancestralas quitament de per las professosas sens obludar sa mair proprí.

 « Sòr Teresa » (es pas lu vertadier titre dau filme. I aguet dau chamjament dins la programaci’).

Un reportage d’una goiata dins la vila ente ‘la eississet ‘vant d’estre ‘chaptada per las instituci’s de la sòr Teresa per estre venduda a de la gent d’Euròpa.

Per balhar de l’aiga au molin de la goiata, la sòr trobava brave la sufrança dau monde dins Calcutta mas per sa malautia, i aviá un djet privat per la menar a Los Angeles se far sonhar.

« Before i say goodbye » dau Mahmoud Ghaffari (2010).

Una femna es apres daissar son òme perque ‘queu-quí faguet un contrat de maridatge temporarí mai ‘n’autra femna, es entau que « far cocut » se ‘pela ne’n ipocrisilandia.

Per far faça a ‘quela situaci’, ‘quela femna deu trobar de’n prumier un trabalh e es entau que desbuta la presa de consciença dau « estre femna » dins la societat de l’Iran.

« Intra las passas » de la Myriam Rachmuth (2012).

Documentarí sus la vita de doas jòunas filhas que se troban de bana dins ‘na meijon clòsa. De las vetz ‘las se fleunan, d’autras vetz la se charchan, e entau la camerà nos porta dins lur vita, ‘na vita ente l’aër manca beleu un pauc tròp.

« Lu maridatge » de la Marina Seresesky (2012).

La Mirta es cubana e lotja a Madrid. Coma manta femnas imigradas, ‘la fai la paucha e netia los bureus. Mas aüei es lu jorn que sa filha se marida, a las sieis oras, e res ne sembla ‘nar coma ‘quò deuriá ‘nar e ‘ribar a temps per la ceremonia será malaisat.

Pòde grán ne’n dire mai per pas balhar la fin, es plasent de veire daus filmonets entau.

°(O!o)°

Publicités