Scott Tenorman deu crebar

Dau temps dau mes passat, faudriá pas pensar que faguí nonmàs me tripotar lu biron un aër de 5-7-5  :

– « Ò ! mon diu, setz tant qu’aquò per la partosa, n’autres ‘nam jamai ne’n ‘chabar… »

 non, en sus daus poëmonetons ‘gaití l’ordinator, afè quauques filmes deschargeats.

Son la gent dau monde daus Potonors que fagueten l’eveniment d’aqueu desbut d’annada.

De costuma, podetz ‘nar sus lur cibercaier (>òc) legir las criticas daus juecs avant de los ‘chaptar o per comparar. Sabe pas se son totjorn daus juecs « a la mòda » perque vive dins ‘na chauna, mas la tonalitat me sembla mai-que-mai agradiva, per pas dire que la vos fai prener los budeus.

Afe, fagueten maitot ‘na virada d’un episodí de South Park (>òc). Iò visí forçament e vau far lu Jan-la-critica, forçadament.

Ne’n 2 mòts : es plasent.

 Es plasent, es fòrça ben realisat, subretot que ‘quò se faguet sens grands moiens. Mas deve dire aquí, me fau confessar que sei pas un fan de la seriá. Dau temps qu’aviá la televicon, qu’eriá « los Simpsons » que portavan la critica de la societat, lu meschaënt eime de la vita de tot los jorns.

Atenci’, los Simpsons de la desbuta perque ilhs-tot, ‘na vetz ‘chaptats per los americans, s’atedisseten, e pense que la releva fuguet South Park, mas ‘viá pus lu mòble aus eimatges e passí de biais d’una part granda de la cultura d’aüei.

Tot ‘quò per dire que quò me laisset un pauc « fred ». Iò sabe « jamai aüròs ‘quilhs lemosins », quau que siàia, fau pas me prener per lu vielh cobilh que sei pas d’enquera, afe pas completament. D’autan mai que lu filme « Team America » daus mesma creators me faguet m’espofidar de rire.

 

Tòrne dire de iò visar ‘queu South Park, e se vos fau ‘na bona rason : per lu trabalh fach.

Es quò pro damandar de iò respectar ? Sens obludar que per ‘na vetz, es pas ‘n istòria de bargiera o d’un païs de l’eimaginarí, non, es un quauquares dau monde d’aüei, ‘laidonc, que parla a la gent vivants, nonmàs per ‘quò aura que mon bilhet es ‘chabat, i tòrne.

_____

Publicités