Quauques libres

Un pitit bilhet per aidar mon ma « fan », dins l’escritura daus haiku, e dins ‘na seconda mesura lu la es « fan » de la nòstra Mela©, afe, quauques libre mas mai-que-mai 3 liams per l’envoiar legir 3 bilhets sus mon cibercaier, Narcisse ente ses tu ? V’autres, podetz ‘nar sus son blòg (>fr) per ‘visar los ‘limauds sauvatges, perdon salvatges perque la frontièra es traucada, podetz i visar sos bonzaï :

E mai :

E ‘na p’ita nòta sus los haïbun, tanka, kaiku, senruy :

Un haïbun es ‘na micrò-novela de 800 jurt’a 1000 mòts, ‘na p’ita novela ente es conhat un haïku, un senryu o un tanka. Un o mai d’un, lu nombre daus haïku-senryu-tanka despend de ‘quò que v’autres atz de dire.

Lu tanka es un poëma pitit composat de doas pertidas de 17 e 14 sillabas (o mòras per dire juste). Lu prumier tercet es composat de 3 vers escrichs sus un ritme de 5/7/5 sillabas, e, per lu second, 2 vers de 7 sillabas. Màs, n’autres sem europeens e non pas japones, ‘laidonc, la gramarí de la linga lemosina es un pauc desparriera que la de la linga japonesa, aquò sembla normau que la composici’ siguesse un pauc desparriera.

Lu haïku es lu prumier tercet dau tanka, alaidonc, un poëma farjat de 3 vers sus un ritme de 5/7/5 sillabas. Es un poëma que parla de la vita de tots los jorns, de la natura, daus sentiments. Ne’n mai dau ritme, los « puristes » volen veire figurar un « mòt de sason », lu kigo ne’n japones. Aquò pòt estre ‘na planta, ‘na flor, un alimaud, una sason, ‘na color…

Quante ‘queu kigo es pas present dins lu haïku, es pus un haïku mas un senryu. Aquela fòrma es mai d’un còp escricha per semblar a la galejada, mai que mai es son darnier vers que deu « esbaudir » a la legida.

____

Eu torna, lu mes daus haïku, lu NaHaiWriMo, ujan dins la linga occitana maitot. Lu temps d’una mesada, vos fau escrire d’aquilhs pitits poëmas sus ‘quò que vos passa per la testa, o sus ‘na tematica coma iò fan los-las haïjin de França ; perpause d’alhor de segre los mòts que lur site façabocq balhará per los e las que troban pas l’inspiraci’…

nahaiwrimoc

fau eïperar febrier de 2014, e i a res de ganhar.

_____

La meditaci’ :
Lòtus, eschina drecha…
Ent’es lu chiador ?

Publicités