Bedes 2

Coma iò dissí a la fin dau bilhet 1, i a de la gent alhor dins lu monde per dessinhar daus gais e/o las istòrias daus gais, aürosadament. Per las istòrias de lesbianas, sabetz que sei pas alcolic (mesfiatz, dire aquò es lesbofòba, booooo ! Meschaënt lu gai ! ), mai seriosament, per las istòrias de lesbianas, fau ‘nar a la fin d’aqueu bilhet.

Howard Cruse es un autor d’America que frutjet dins l’underground de las annadas 1970. Quauquas annadas apres los USA, la França vei la paruci’ ne’n 2001 dau Monde de différence. 200 pajas per racontar la vita d’un goiat dins lu sud raciste, un goiat que, tras la batalha per los dreits civiques, parla de son omossessualitat. Lu perpaus es mai que mai interessent, e fai d’aqueu libre ‘na parola militanta, emai i a pas la fòrça d’un tesmonhatge coma dins lu Jornau dau Neaud.

Ralf König es beleu lu mai conegut daus autors perque sos libres, emai parlessen daus gais, son talament rissoliers que tot lu monde ne’n ritz.

Dins la jòuna generaci’ fau notar de la gent coma Tim Fish e lu Tom Bouden.

Dins las manga :

‘Tenci’, aquí es un monde fòrça desparier, perque las istòrias de goiat qu’aiman d’autres goiats non pas de las goiatas son de’n prumier per estre legidas per las filhas, es entau. Ne’n mai d’aquò, lu sitemi de censura proprí au Japon fai que beucòp de chausas poden estre dicha dins lu raconta mas pas montradas dins lu dessenh. Mesma, la cultura dau Japon fai que dins ‘n’istòria entre jòune de 17 ans, i a res que s’i passa d’un punt de vuda sessuala, non, fau esperar « la maturitat » e los 20 ans. Mesfiatz v’autres, la categoria yaoi, d’una libraria generalista, pòt vos montrar de las istòrias clarament pedofilas dau nòstre punt de vuda ; per de las istòrias gais, d’amors sens forçament d’actes sessuaus, fau gaitar a Boy’s love.

  • Per ne’n saber mai sus l’univers dau sexe au Japon dins las manga, fau legir Jean Marie Bouissou.

Dins los comics americans :

De’n prumier, un bocin dau còdi de moralitat (1954) :

– 1 – lu divòrci deu pas estre representat sus la tonalitat de l’umor o coma quauquares d’asoatar o de desirar.

– 2 – fau pas montrar de relaci’s sessualas

– 4 – las romanças amorosas deven montrar de’n prumier la vita dau fogier e lu caracteri sacrat dau maridatge.

– 7 – las perverci’s, lu fach d’estre un-a desaviat-ada, aver de ‘n’atirança per la gent de mesma sexe son subretot de pas representar.

E pertant, Vega eissiguet ne’n 1979 dins los X-men.

vega_gay

Dau costat de las filhas

Coma dins lu restant de la societat, las lesbianas son gaire visiblas dins lu mitan gai de la bede.

Los dos albums de las Marsouines (1997 & 1998) son estats autò-esditats.

Las reviradas son elas tot pauc presentas. Los libres de la fòrça militanta Alison Bechdel l’an estats, mas per de p’itats estructuras, e aëui, se poden pus trobats. D’aquela dessinatritz, se pòt legir sus la tiala mondiala, non revirats, las bandas Dykes to watch out for. Chas los librarís, se troba d’enquera la revirada de Fun Home (2006).

‘N’autra granda dessinatriça tant lesbiana que feminista es la Roberta Gregory, que sa Bitchy Bitch, ‘na mangònha de prumièra coma las aime, fuguet revirat dins très album (de 1998 a 2005).

Lu Monde de Jane (2005) es un libre de la Paige Braddock. Es una bede per tot-a-s, pas de politique, pas de revendicaci’s, tot marcha per lu mielhs dins lu melhors dau monde.

Chas las japonèsa, Ebine Yamaji es ‘n’autritz granda, de’n prumier per la qualitat de son dessenh, de’n second per sos perpaus. Segur, son pas politiques màs, mai d’un còp parlan dau benaise, de la vita. Un pauc coma dins los romans japonès, i a grán res coma acci’, nonmàs n’aër, ‘n’atmosfèra.

Sens obludar la Julie Maroh, que son libre es estat cronicat aquí e que la palma d’aur… ‘tende de veire lu film.

  • Sus las filhas mai las bedes, veiquí un liam (>fr) que fau legir, n’autres gais, am lu mesma produch sos la fòrma dau Jeromeuh, e aquí ‘n’autre liam (>fr) sus las filhas, perque lu prumier es ‘bolhat.

‘Queu bilhet, mai l’autre, son tirats e adaptats d’un dau François Peneaud (Junh de 2005) sus actuabd (>fr)

Publicités