« U » coma Victor Gelu

« Victor Gelu – Poèta dau pòple marselhés – Cançons provençalas ». 
Edici’ novela mai un cede junt, chas « Ostau dau País Marselhés – 5, carriera dei Tres Magis – 13001 Marselha »

‘Quela mesada AZesca es l’enchaison de parlar de chausas e d’autras, conhadas dins de las tiretas pauc que pro virtualas, d’envèias obludadas, de « rendez-vous » mancats, e ne’n vaiquí un.

Revirada dau darrier de cuberta :

« Dau pitit pòple de Marselha dau sègle XIX, Victor Gelu (1806-1882) coneguet tot : la misera, los raibes de revoluci’, los plasers, lu deseper davant las mudas d’una vila que frutjava e s’enrichissava sens ‘gaitar los pus umiles.

De per un biais grand d’eimatges e de paròlas, lu poëta farja un raconta de chançon mai dau monde fòça luenh dau meridionau vinvole. »

I a pas grand chausa de dire fòra saludar la realisaci’, tant dau libre per se-mesma, lu trabalh dau texte, de la revirada, la persentaci’ sens obludar lu leissic, tant lu cede que fin finalament, sembla un pauc còrt.

Quauquas vetz, diriensatz que lu poëta se fai moralisator, quitament reaccionarí, beleu be dins l’aer de l’epòca, mas, avecque la culada, ‘queu sentiment s’esbocina.

Publicités