De la A d’aici la Z.

E be, qu’es pas tròp tòst ! Eiperem que quò ne’n vau lu còp…

Lu principí es clar coma ‘na bona font.

Lu mes de mai compta 23 jorns ovrats dintra tots los diluns, dimars, ‘mercres, dijòus, ‘vendres mai los dissabde sauv los jorns de festa, segur. ‘Laidonc, ‘quò tomba be perquè nòstre alfabet compta màs 23 letras emai los lemosins, sabetz que la « X », siguesse ‘na besonha que… bon, començam pas a nos espeunar per aquò. 23 Letras, 23 jorns, vei-lu-quí lu « challenge » coma iò disen los americanisats :

Escrire 23 bilhets dau temps daus 23 jorns ovrats de la mesada e que las letras de A jurtà Z siàian dins lu titre dau bilhet.

Segur, l’eidèia es pas ma tròba, ‘la ven dau monde « anglò-saxon » (>en), lu fase a la mòda de la linga d’òc per dinamisar un pauc la cibercaiernosfèra d’òc entau fasent, lu 2 de mai la -A-, lu 3 la -B-, lu 4 la -C-,…

V’autres volatz iò far maitot, setz libres o libras, quauque siàia vòstre dialecte, vòstra grafia…

Vos es d’eivís que quò es l’enchaison de parlar daus birons daus angeus sens requiquís…  Anam ! Clavardatz adaura.

 

Une réflexion sur “De la A d’aici la Z.

  1. […] queu blògue, me falia un pretexte. E vei-lo-qui : un defi ! trapei l’ideia chas l’amic Joan Peire : “Escrire 23 bilhets dau temps daus 23 jorns ovrats de la mesada e que las letras de A […]

    J'aime

Les commentaires sont fermés.