Japon, ‘n’annada apres

‘Tencion ‘queu bilhet es pas ‘na-n-alisa ponchuda de l’auvàri, nonmas ‘na revirada dau jornau the Sun (>en), es dire, e per far un punt tras « l’eimatge espectaculós » d’aquela tipessa, eimatge que faguet lu torn de la planetòta avant de saber lu perdequè dau perquè.

Lu ‘vendres 11 de març de l’an passat, de las vagas de 30 metres recrubisseten de las pitats vilas lu long de las còstas dau nòrd-est dau país.

Daus films montran coma los pòrts fugueten engaulhats per ‘n’aiga gòra.

Migrós, sabem que quauquas 16000 personas i resteten ‘queu jorn, mai-que-mai alentorn de las còstas, dins lu cantonde Tōhoku (Sendu e Ishinomaki).

6000 blessat-ada-s e 3287 òmes, femnas e goiats que mancan.

A Ishinomaki, los basteus daus garda-costas avisan la gaulha tot los jorns dins l’esper de tòrnar trobar un còrs. Pertant l’i a ‘gut res de noveu desempuei novembre mai la decuberta d’un còrs esbocinat.

Las vagas espaurissables que ‘neten tras lu dedins de las terras son la resulta dau tremolament mesurat 9 dins la mar, una magnituda jamai mesurada au Japon.

En sus, los escrans de televisi’ balheten de veire l’auvàri nucleara Fukushima Daiichi, ‘n’ òrror dins l’òrror.

Lu biais per lu Japon de far d’esfòrç per resistar, de ne pas se’n laissar contar de tròp, maugrat lu cost per ilhs, ‘queu biais « de veire » faguet eissir beucòp de respect e de simpatia tras lu monde.

Veiquí màs doas fotografias (tiradas dau Sun (>en))  que « jugan » sus la comparason d’avant-apres – Yuko Sugimoto mai Raito, son filh.

Devriem soschar sus nòstra plaça sus la Terra, coma, d’un autre biais, a la faiçon qu’agueten los japonès de trabalhar au benaise après l’auvàri.

-!-

Nòta : es pas dins l’article originau, mas sembla que lu Japon « se desplacet » de quauques 4 o 5 metres, e que las plaquas sos-marinas botjeten elas de 50 metres. Legir un bilhet (>fr) que parla de tot aquò.

  • Mon bilhet sus un libreton (>òc-lm) que parla dau biais de veire l’auvàri nucleara de Fukushima per lu « medialogos ».
  • De legir un bilhet sus ARA (>cat) :

El diari inclourà un dossier especial amb imatges de les conseqüències del tsunami i opinions sobre l’energia nuclear i les renovables, i s’acompanyarà del llibre ‘Dietari d’un japonès’, de Ko Tazawa

  • Totjorn sus Fukushima, de legir un bilhet sus SAT (>eo), lu lian froncofòne es balhat dins l’article :

NUKLEA KATASTROFO ESTAS NE NORMALA KATASTROFO. Nur restas ruinaĵoj, malplenaj domoj kaj senanimaj urboj, kaj ne utilas fari ion, ripari ion : nek vojojn, nek tegmentojn, nek murojn, nek tombejojn, nek bovejojn…

Publicités