Lu tuquet aus paupalins – Goro Miyazaki

Avant de parlar dau filme, ‘na p’ita revuda de premsa sus ‘n’entrepresa après barar que pertant lu carsern de comanda es plen, l’i a de la moneda :

De legir sus :

Ne’n parle aquí perquè qu’es l’usina ente trabalhava las vacanças e de segur, i a de la gent que coneisse dedins.

347a9c075c1s.html

Per lu momint, pòde res dire de mai.

-!-

Lu titre es ‘na revirada dau titre francès.

Umi es ‘na goiata que avant d’anar au liceu, tots los mandins, nauça daus drapeus faça a la mar, ne’n denaut dau pòrt de Yokohama. ‘Vant quò, la vejam se levar, rinjar son futon, aprestar lu desjunar per tota la meijon, e l’i a de la gent, segur.

Lu dessenh animat que desbuta entau per ‘quelas gestas umils es tirat d’un manga « per las filhas », es pas un jutjament de valor, nonmàs ‘na tireta per iò pausar. Lu biais de montrar la natura, la meijon per eisemple coma lu Japon representat per alhors, l’esperit generau dau filme per iò dire tot emb-d-una es lu de las annadas 60, las annadas que lu país se tornava montar, d’enquera, un pauc coma lu Milan daus films dau Pasolini.

Coma mai d’una vetz, dins un film japonès, i a de las clinhadas vers l’Euròpa e mai que mai vers la França, lu prumier merchat en defòra lu Japon per los manga. Lu fogier daus estudiants se ‘pela lu « Quartier latin »°, per recursivitat, lu film persenta la faça dau Japon per plare aus françès°°, un Japon trabalhor, ordonat, de tradici’s°°°.

Afe, au mitan de tot aquò, n’i a l’amor, lu grand, lu beu, lu que pòt pas eissir perquè, emai siguessem ne’n 1964, l’annada daus juòcs olimpics, las dolors de la guerra fan ‘na reviscolada.

Vau pas contar la fin, queraque non. Es un film de veire per s’esmocionar un pauc.

° e apres fau pas charchar d’ente venen las despreci’s de las goiatas japonèsas ‘na vetz ‘ribadas a París.
°° me’n tene ‘quí aus perpaus legits d’aquí d’alai sus ‘queu fòrom (>fr) per eisemple.
°°° los e las dau Japon son « pitits, jaunes e faus », coma los de China, Corea… eimatges eimatges los uns sus los autres.

Publicités