Love Wars – Melatriça Bonus extra

Un bilhet en ‘questa Sent Valentin per tornar un còp de mai sus l’afar Mela (>òc-lm). Non pas per dire que ‘quò es graça a me que… o b’etot que aürosadament qu’aní veire monsur G… non, non, non, res de tot aquò. Es pas mon biais de far ! Quante quauquares me manha, vene dins mon ciberespací, fase un bilhet e ne’n parle pus. De què que ‘quò serv de s’esmangonhar tres mes de temps ? A res !
Non, solament, aüei, aprofite solament d’aver pausar la man sus ‘queu bocin de filme de la camerà de susvelhança dau temps qu’anguí sus lu naviri imperiau, a la sega dau comentari aquí pausat ente comprenguí que la nòstra Mela, tota freula, se languissava de son cibercaier.

Sei lu sodard a vòstra gaucha que fau dire esquerra.

http://play.lafabrica.webtv.flumotion.com/play/player?pod=14407&player=1

T ! Tu ses ‘quí.

V-òc-es.

Eriàs après ne’n grilhar una ?

Non pas, ‘visava l’agitacion daus occitans e de las occitanas dins lu ciberespaci. Tot aquò per ‘na tipessa chafrada « princessa Meïa »

« Mela », « princessa Mela », justament, torní prener un compte chas G©g®©l per ne’n parlar a quauqu’un. Sabiá pas que tu eriàs colabor…

Non mas, as vut aquò ? Un tau vonvonadís per una sola pita.

Tu creses que fau pas far de blòg dins la linga occitana ?

Mon paubre, n’i a pus degun que ‘quò interessa. Fai ne’n un dins la linga nacionaliste, n’autres passarem te criticar, tos quites occitans iò f…

Mas, te coma me semblam gaire aus francilhons coma ‘quilhs que lu govern de París iò voudriá o enquera a los que se sonjan jà regent a la plaça dau regent. E n’i a dau monde.

N’autres, n’autres, es pas parrier.

Creses que lu sòu Empiri es causa francha e bona per l’organisacion linguïstica dau ‘nivers ? Que tant de monde, los basques, los auvernhats, los catalans, los gascons, los corses, los provençaux, los bretons o n’autres lemosins son dins la fauta de pas voler estre de bana coma l’Empiri linguïstic ?

L’Empiri balha la patz, tu iò sap be. ‘Gaita me, sei cadre de categoria 36-15 bonet D, me viesa un còp ‘prener lu breton per ‘na ganhar la prima alaï, ‘n’autra vetz lu flamand per ‘nar alhors e lu provençau quante irai me far bonzar lu cropinhon a la retirada… e perdeque pas 50 frontièras, 50 cartas. La javanha que quò seriá ton utopia. E per los imigrats, i a sonjat aus imigrats se lurs fau ‘prendre 50 lingas. Non, es mielhs entau, lu frances es la linga de la patz.

Mas puta verja ! La patz sens la liberta es ‘na marda, ‘quò vau res du tot.

‘Chaba te un pauc. Fau ‘restar coma ‘quò. Son nonmàs daus rejingós dau Snickers© resmai.

De què ?

Daus rebicats dau Snickers©.

Comprene pas, res de ren.

Los revoltats dau Bounty©, dins lu filme, ilhs, ilhs ‘vian de las bonas rasons per far ‘na rebicada. Mas ‘quí, seriosament. Per de la gent de la generaci’ moderna, gastada per la televisi’, gasta davant daus ordinators ‘vant d’estre vielha, bramar es un biais de se creire viu res de pus. Son tres o quatre rebicats dau Snickers© aures.

Resinha te goiat, n’autres nos aimam beleu, aimem beleu las lingas mas son daus dinausors e los dinausors ponen daus uòus, me vòle pas coar.

 As ditz que…

 Solament perquè degun es ‘quí a legir lu bilhet perque es dau lemosin, afè de l’occitan « del » nòrd, quitament pas « regulier », « large » o « conforme a las normas ». Mas compte pas sus me per ‘nar banturlar a fin dau mes de març.

Pertant Tolosa

Ses be einuscent, Tolosa fuguet besilhada per los d’AZF©.

‘Laidonc, a Bezier o Carcassona…

Verem, ‘n’autra vetz. Ten te ! Dins dos ans.

_^^_

  • Lu sití (>cast-en) dau festivau de filmonets.
Es la Sent Valentin aüei, bischatz coma podetz o coma iò voletz, a 1, 2, 3, 4 o mai, e perque non, es qua’iment lu sòu endrech ente setz libre… per lu momint.
Publicités

2 réflexions sur “Love Wars – Melatriça Bonus extra

  1. janpeire 14/02/2012 / 11:31

    Los autres, los autres, daissa me venir Emperor 😉

    J'aime

  2. Mela 14/02/2012 / 10:54

    mas non, lo pb es pas lo lemosin, lo pb son los autres, totjorn. Sartre o diguèt!

    genial lo film 🙂

    Diga a lautre que lo ser i aurà Nadau e lo Còr de la Plana 😀 es THE argument que tuga 😀

    J'aime

Les commentaires sont fermés.