Visar un bornat que ditz v-òc-es !

Non, ‘queu bilhet es pas aprèp parlar dau Bornat (>òc-fr), mai ‘na granda letra, es la ‘massada daus dau Peiregòrd. Non vos damande pas d’anar visar, vidar se v’autres aimatz mielhs, un bornat per vos far fisar. Non, ‘queu bilhet parla « dau bornat que ditz v-òc-es » ‘n’aisida per dau mesma còp :

Minjar biò, estre gentilh, estar ben, esser bon mai la planeta, viure locavore, far lu responsable… mai eiperar veire tornar meijon la Pomponneta coma ò me diguet ‘na vetz monsur Mamadòu.

Per dire franc, ‘queu bornat ven pas de me. Non eu es estat farjat per la tipessa chas laquala fase de meitat un vargieron ; fase venir dietz saladas, cinc tomatas per montrar a sos quatre pitits coma frutjan los legums. Aquò per lu biais d’una associaci’ de pertatge inter-generationau, tant los lojatments que los jardins, aquò despend la gent.

A la debuta voliá pas i ‘nar per doas rasons.

1 – Sus la lista d’invitaci’ sei beleu lu sòu sens particula. Iò sabe es colhon, mas los amics de mon amija son coma dire sens far de pena a degun, coma dire, emai siguesse un bon gròs « sauça-dem »° per los gauchistes, coma dire, per « dau monde entau » me pense estre ‘na fòrma d’ultra gauchiste, per ela de segur mas per son òme maitot, e alaidonc per lurs amics de l’escola privada quitament pas associativa, nonmàs catolica…Fiuuu ! ‘Na tapeta per dessus tot… Fiiiiiiiiiiiiilh de diuuuuuuuuu !

Per lu dire franchadament, a la debuta, me pensava que qu’eriá una besonha de richards, que me, ne’n sei pas.

2 – Sei après aidar un amic anachiste, ‘queu que me traitet qua’iment lu prumier de « saus-dem » ; e me de bibar ‘queu jorn perquè compreniá pas quò qu’eu me disiá. Afe, sei apres l’aidar de montar son AMAP e qu’un’AMAP au mitan de la Bauça, coma dire, quò ne’n fai chiar quauqu’uns, de segur.

E pòde pas ‘chaptar chas los uns mai los autres que n’autres ne’n ‘chabariam pus.

Adonc, passí ‘na comanda. Es un pauc coma per lu Luclar-condusit¹, fau clicar per aver bonur sens obludar de paiar.

Lu « merchat » es dubert tots los quinze jorns, dau ‘vendres au dimarç, las perveci’s son livradas chas mon amija lu ‘vendres de la setmana. Es aisat, pas tant char que dins l’espiçaria biò, subretot qu’am pus de coperativa biò aquí. ‘Laidonc ‘na mai que mai bona alternativa au subremerchat.

Mas aquò remplaça pas lu merchat dau dissabde per ‘queu-quí qu’aima bargassar coma los vendors o las vendosas, de segur.

Es important de tornar prener lu poder sus ‘quò que n’autres minjam. Segur, l’i aurá totjorn quauqu’un per vos dire bò-bò, biò-biò o sa’e pas tròp tots los chafres, mas es un vertadier poder qu’am ‘quí, un poder per decidar. Après, n’i de la gent per balhar de la moneda aus amics dau betum dau FN-UMP, aus amics dau beton dau Modem-PS o aus amics nuclears dau CGT-FnDG, grand be lurs fasa se an pro de moneda. Me, sei entau un minja raiças aüròs.

Nòtas :
° ‘tenci’, « sauça-dem » es ‘n’insurta. Un « sauça dama » es un òme que minja dau formatge de Olanda trempinhat dins la sopa, per eisemple, Dave, lu chantor, es un « sauça dama » que lu Hollande (>fr), lu candidat dau pertit sociateliste, es se « un sauça-dem » mai que mai un « sauça liberau », mas vontós ad un punt tau qu’eu se sonja totjorn de gaucha que fau dire esquera per pas far purar las verjas occitanistas.
¹ Leclerc-drive© per los francilhons que cal dire franchimand per pas far… cal cal cal, cal dire aital.

Per ‘nar mai luenh, podetz legir lu bilhet sus Rua89 sus « la Ruche qui dit oui » (>fr). V-òc-es, es un sití de pus en pus mainstream mas, l’i a d’enquera de las chausas d’i legir, fau destriar lu bon dau meschaent.

Dau còp, l’eimatge dau Hollande enfarinat


mesfiatz v’autres dau Farina Hollande (>fr). Sabe res dau gost de la farina boirada mai de la mimoleta, afè, per s’enchabar, un filmonet dau Dave

🙂

Publicités