Melatriça 4 – occitan final star fight

Veiquí lu filme oficiau de l’afar Mela (→òc) o « Melatriça 4 ». ‘Tencion, coma ‘la es emmardada per daus mescheants d’America, lu son es anglés, vos balhe graciosament lu sinòpsis :

Mela, la nòstra Mela, aquela que l’adreiça de son blòg-joèb-cibercaier es dins totas las tiretas secretas de tots los butinors de la gent d’òc, Mela es dins lu metrò de Tolosa a escotar la votz (→fr-òc) qu’anonça las stations « pauta d’aucha – pate d’oie ».

‘La porta coma ela, lu quasernet secret per far rintrar de la gent dins lu Bloguitge (→òc) ; entau ‘la pensa far s’espandre la linga occitana dins tot lu ciberespací. Aquò sembla far rire un vielh que n’autres, los lemosins, ‘pelariam « vielh cobès, vielha babòia o vielh eissabanit », es gran meschaent, mas un biais de dire.

‘La es pas tòst surtida d’aquel afar, de la matriça estarouarisada nimaï…

Mela es dins lu metrò, tota dins sa legida, mas, vei-la-quí reperada per daus robòts charchadors, quilhs dau Google© (→fr). Beleu que lu trafic per visar las quauquas fotòs que ‘la prend daus pinons de la gent la visitan, las fotòs de sa p’ita veitura bluïa per menar las novelas bloguidosas, los pastissons realisats per los noveus bloguidors, lu trafic es pro grand per los budeus dau Blogger© (→fr). E las prunas l’estiu, un vertadier dangier maussuspiçonat per los velhors de la tiala, subretot per quilhs que lu dosilh los manha.

Podetz veire que tot aquò sembla far rire los einuscents dins la veitura, afè, sabem nos comptar, sabem la mòda.

Mesma pas ‘na setmana après la mòrt dau merchand de pomafrucha (→òc), riclanisada a la debuta puèi monopolistica per la sega, eu ‘riba, mai sos vaslets e lurs telefònes, mai sa censura, mai sa censena perduda, eu ‘riba per menaça la nòstra Mela tota freula. Eu ‘la ten, ben sarrada. ‘La s’eisplica :

  •  – Google-vador©, n’i a que vos, soladament vos de pro fòu per me ‘restar dins lu metrò de Tolosa-capitala-de-l’Occitania-granda-e-per-delai-la-mar-granda. V’autres setz pas sens saber que lu senat imperiau ven de bancuat a gaucha (ndr : aquò fai rire la gent) e que lu chap es un occitan (→òc)(ndr : faliá osar la far aquela).
  •  – Lhau, lhau, lhau, zi ! (ndr : mesfiatz vos, las onomatopeas son estadas adaptadas maitot) ‘Chaba te Mela. T’ses dangierosa per los tudeus de la tiala mondiala e me songe que tu ses apres portar un quasernet secret per far s’espandra la linga occitana per delai la mar granda.
  • – Comprene res-de-res de que v’autres parlatz. Sei ‘na membra dau Bloguitge (→òc) occitan, e me pense que ilhs van pas estre aürós que v’autres me fasetz quò.

Patricia (→òc) es coma me, los quites gascons (→òc) de la tiala son darriers me maitot, los gascons (→òc) comprenetz ‘quò que vòu dire. Me fau ‘quò ‘nar charchar ‘na finlandesa (→cat), un lemosin (→òc) d’estrema gaucha o ‘na tapeta (→òc) ?.

Ilhs van beleu ‘restar de far de las charchas coma vòstre motor de marda, desjà qu’acialatz « la companha mitomana d’estrema drecha ».

  • – Quilhs patoèsans escribaboinan de las vertats ne’n patoès (→òc-fr), (ndr :  ‘tencion, ‘queu liam es un liam seriós, es pas ‘queu-quí dau cibercaier identitarí d’estrema-drecha). Lu patoès  es la via, la via granda per lu bonur, e ‘natz ‘restar d’escrire las linguas d’òc sens las « s », autrament desvelhe mos volcans desrobinhats de la nonitania (→òc).

Lhau, lhau ! Portatz me defòra ‘quela occitana que pòrta jamai dau vin a taula.

E veiquí, ‘vant que las portas se barressen, un goiat mai ‘na goiata voudrián be l’aidar mas las mairs velhan (→fr), pas de quò chas nos.

Lu metrò contunha sus sos ralhs, la Mela es torturada dins lu silencí de la Matriça estarouarisada (→fr).

Generic de fin, nos fau certanadament pas clapar de mans

;(

Publicités

4 réflexions sur “Melatriça 4 – occitan final star fight

  1. joan peiroton 15/10/2011 / 21:14

    lol Urosament que google nos kidnapa los blògs de temps en temps, aquò nos balha de pòsts sublimes!

    J'aime

  2. Mela 13/10/2011 / 20:53

    Siás completament cabord, t’aimi!!!

    (de tot biais, on le savait déjà que t’étais une grande folle hein :P)

    J'aime

    • janpeire 14/10/2011 / 08:30

      Son los de Google-Vador que son trasfòus de far creire que tu ses ‘na espamosadritz

      J'aime

Les commentaires sont fermés.