« L’òme que besilha res » – Colin Beavan

‘Quò es l’istòria d’una familha que vòu far mens de trabalh per los borriers.

‘Quò es l’istòria d’un tipe que non pas gaitar quò que fan los autres, o quò quilhs fan pas, se conha dins la testa de far.

‘Quò es ‘n’istòria sus ‘n’annada passada qua’iment sens re besilhar. ‘N’annada passada a analisar la mecanica que fai que n’autres ne’n sem ente ne’n sem sus l’estat de l’environament.

‘Quò es l’istòria dau Colin Beavan que viu au mitan de Manhattan, au novesme estatge e qu’entrainet sa femna, sa filha mai lu chien dins lu desfis : « No impact Man ».

‘Queu libre se legís coma un libre d’aventura que dedins serián contadas las jòias mai las penas de viuvre d’un autre caire que consomar per la consomacion, e entau fasent, de perpausar o taschar de perpausar de las solucions a las crisas tant environamentalas qu’economicas. Las balinjas, aquelas que son de teissut, minjar ‘quò d’aquí (►òc), estre un minja raiças, bicicletejar o trotinetejar o enquera tuar la lum son de las accions que « marchan », màs, lu fialat per las pervecions, se passar de refrigerator, lu compost (►òc), marchan mens be dins lu libre.

Lu libre se vòu un jurte tesmonhatge sus ‘na tentativa dins ‘na familha, aures. Aquò es pas un guide, lu cataloge dau perfait descreissant nimai. Fau lu legir per far naisser de las questions, per charchar, trobar e far quante ‘quò marcha, breu, estre coma ‘na truèia que dobta.

Lu libre es bon, de segur, mas lu filme manha pas sa besonha. Eu pòt estre vut per animar las seradas l’estiu, far desbatre. Eu tòrna prener lu fiau dau libre mas desbuta per la persentacion dins los mediàs de l’America dau nòrd dau Colin coma un tipe que diguet non a la televicon, a l’ascensor, a la veitura, au minja-marda, au càfe… coma lu tipe que se boissa sens papier. Per iò dire tot emb-d-una, fuguet persentat coma un « contra-tot ».

Dins los suplements dau dévédé, n’ia daus reportatges sus los « freegans », sur comint far son vinagre, far de la bicicleta ne’n vila… jurtament, beleu, es un pauc vilaud tot aquò, mas enquera ‘na vetz, es un tesmonhatge, pas un guide, subretot que lu Colin se-mesma as pas fach un paquetatge pitit per lu devede, afe, es entau.

  • Pour lire ce billet dans votre idiome, francophones, cliquez ici (→fr).
  • Lu cibercaier dau Colin es ‘quí (→en).
  • Per gaitar lu filmonet, fau ‘nar aquí (→fr-en).
Publicités