La consomacion per la terror

`Quò es pas veraiament un film `questa vetz que presente `quí, nonmas un reportatge d’Arte, mas eu es mai-que-mai ben realisat.

Lu montatge es plasent. L’ilustracion daus perpaus tenguts per los politics per daus imatges après montrar lu contrari, emai `quò siguesse aisat coma principi, es daus bons. Subretot quante `chabem per veire Fidel Castrò  emb las vocalisas dau Steve Balmer.

Aquelas fòrmas de comparason, fòrça umoristicas, fan que lu film sembla pas prener pertit, afè sembla solament. I a forçament un pertit-pres, aqueu de la gent, aqueu d’una maufiança envèrs las eideiologias tant aquelas dau « desvelopament dreit davant », que los sistèmes « globaus (informatic o militari) ».  Raibe, ai pas escrit bibe, raibe d’una via « dau mitan » que diriá :

Veiquí ente n’autres sem, 02 julhet de 2010, planeta soleta e  malaranjada entau, vei-los-quí los punts ente volem pas `nar, la paret o b’etot lu faschime ; n’autres decitetem d’organisar d’una autre biais l’economia e la soá finalitat, adonc, n’autres vos perpausam `na lista de « x » produchs indispensables, `laidonc punas taxas quante son fachs-fabricats-realisats-adaptats per lu merchat locau, vos perpausam de taxar tots los  autres produchs ne’n fonccion dau degrat d’indispensabilitat (IPAD mai taxat qu’un petaron), de las condicions de realisacion (SCOP mens taxada qu’un grand-grope (i aura benleu pus mestier daus grand-gropes)) e de la distança percoruda per `ribar chas v’autres.

Aquò es `na fulgurança pas un programe politic, mas me sembla que las taxas son un bon biais per pas far `chaptat un quauquaren a quauqu’un, mai bon que la morala o la responsabilisacion ciutadana. Aquò laissa l’impression de la chausida e dau mesma biais, la moneda, o son absença, es l’utilh de responsabilisacion. Aquò n’osta ren a daus progiers de « revenguts solidaris inconditionaus », veire per la lista « 0 taxas » benleu mesma visar la gratuïtat per los produchs « de basa ».

I a mantas eidèias de desvelopar emb un tau film, deve nonmas seleccionar un film per far naisser un desbat, pas far `na conferença sus « un jorn, serai Imperator dau Monde ».

-★-

Vos laisse donc coma Fidel, `na goiata e un goiat. Pense pas m’estre emboirat de tròp dins la chausida dau bocinon perquè sus la tiala, i a mantes copilhatges.

  • Lu film complet (52 minutas, linga francèsa) es `quí
  • Le film en entier « la consommation par la terreur » (52 minutes, en français) est disponible ici
Publicités