Cho ! La nivolada passa

Una pausa dins lu trafic dins los ciaus e vei-nos-quí desbarassats per una jornada, beleu mai, de totas las traças blanchas. ‘Tencion, vau pas ‘quí parlar dau govern cachat qu’eisista dins la testa daus estremistes de dreita e quauquas vetz de gaucha, govern qui nos manipula despuèi los « chemtrails », non, per ‘quò avetz qu’a visar lu Tristan Mendes-France sus son ciberquasernet.

Non, me dise solament que quante invitem la gent a se chamjar un pauc, per eisemple ren ‘chaptar dau temps d’una jornada, còp-sec, los chivaliers de l’apocalipse economica nos tomban sus la testa. Pertant, despuei 2 jorns, i a  pus d’avions per nos portar avant mieijorn una barqueta de maufas. ‘Laidonc, ‘questa pausa devriá estre mesa a profech per se carcular un pauc sus lu perdequè far tots ‘quilhs avions dins los ciaus.

Per la gent, un avion de perdut ‘quò es dietz trins de tornats decuberts.
Auviguí mesma dins lu pòste qu’un tipe faguer quauques 1300 km dins ‘na veitura de taxi, ‘quò es dire nostra capacitat d’adaptacion,
afe, dins ‘queu cas per la gent qu’an de la moneda.

Non, ‘quò es per las marchandisas que me pause de la questions. Benleu que nostra noridura auriá mestier de veire relocalisada, me torne pus ‘pelat lu sit ente un tipe a ren d’autre de far que de balhar, dins son blog crese, la lista des pervesions, me sosvene que i a dau lemosin e dau francés, aures 🙂 V’autres podetz mesma ‘gaitar la resulta sus l’efeit de serva, esplica ‘quí, l’efeit pas la polucion avinesca.

– ! –

Autrament, vene de ‘chabar de legir un libre sus la permacultura « graines de permaculture » dau Patrick Whitefield, revirat per Passerelle Eco. Bon, enquera un libre daus estremistes de l’ultragaucha mas, vesem ben pertant que i a de las solucions ne’n defòra de far venir los legums d’Espanha o dau Chili. D’autant mai que la produccion i ganha tant sus la qualitat que sus la quantitat.
L’eidèia principala es de far coma la natura e non pas contra. Çò que deu estre vut dos còp per jorns es a costat de la meijon, çò que deu estre avisar un còp l’an, e ben es lu mai eslunhat de la meijon.

‘Quò nos fai desviar daus transpòrt per avion, mas bon, es quò grava dins un bilhet qu’es ‘n’invitation a se pausar un pauc ?

– ! –

Dau còp, doas esagonalas de mai, titoladas ‘questa vetz :

De què‘Na demia,
‘N’ora plena
Passad’au solelh
‘Quò costa ren dau tot.
Far la rapieta
Davant Leire.
Los devers ?
– ! –
Japonisacion Sens un bruch
Lu vent bufa.
Las flors daus ciriers
Cilucian° l’azur blu
De petaçons blancs.
Un tròç daus ciaus
T’esplanla.

cerier.jpg

Nòta : Ciluciar = esluciar o arluciar per los lunons, las estialas o los eslucits.
Publicités