Minjar çò d’aquí 2010 – eat local challenge 2010

Vei-lu-quí lu grand projecte per l’ananda 2010, far un « eat local challenge » coma se ditz, un « manger local », afé tasche perqué ‘quò es pas totjorn aisat, de’n prumier ostar lu mot « challenge » perquè prenguí un contrat morau coma la gent de la descreissença e coma ieu-mesma e degun d’autre, ‘laidonc, me sente pas oblijar d’intrar dins ‘na competicion ente faudriá esbocinar un « challenger ».

‘Queu bilhet es per presentar un pauc la chausa e balhar mon contrat, la revirada francèsa es per ‘ribar bentòst sus lu blòg daus ADC45.

Minjar çò d’aquí quo es chosir nòstre menu sens obludar de pensar a l’endrech ente sem, a la gent que nos entoran, a la sasons.

Minjar çò d’aquí es ‘na pita peira a la paret de la transformacion dau monde.

Çò d’aquí :

– Aquò egau lu país, lu canton, l’aglomeracion… Aquò chamja segond la gent, lu biais de viure, de çò qu’es disponible.

Aisat :

– Aver la possibilitat de ‘chaptar de bons aliments sens despensar de tròp (1).

– Charchar los endrechs ente se procurar, aus melhors temps, las chausas de minjar.

Simplicitat :

– Chosir de far lu minjar e non pas ‘chaptar daus produchs clafits de colesteròl o de diabète per 3 còps pus char.

– Chosir de servar tota l’annada daus fruchs, daus legums per mestresa son alimentacion.

– Abordar l’alimentacion coma un motiu de satisfaccion personala e non pas coma un « process » identic a conduire (2).

Objectius :

– Gaitar çò que frutja naturelament o çò qu’es pruduch aquí, dins lu canton, sens ‘nar visar per delai las polas rojas, per ne’n profitar e tesmonhar entau que la bofa-merchandisa, l’injustiça economica e l’esbolhament de l’environament se troban dins nòstre porta-moneda. Chamjar las chausas es pas tant mau-aisat e ‘quela cronica es ‘quí per balhat de las aisidas.

– Çò que ‘quela accion es pas :

– un cataloga de receptas.

– una leiçon sus lu coma v’autres devetz estre o viure.

– un regima alimentarí e ‘na promessa de bonur (3).

– la prefiguracion d’un libre titolat : minjar çò d’aquí e peu dau cuòu, lu vertadier pretz de l’alternativa – l’enquesta veritat o b’etot minjar çò d’aquí e assadolada per los nuls.

– Çò que ‘quela accion es sens iò voler :

– una justificacion de mai d’un biais de viure per mos amics de l’alternativa liberticida.

– un cataloga de las receptas e daus menus per la quinzina entranta.

– una demonstracion qu’un regima minjaraiç e un benaise per l’amitiat umana, la terra, lu porta-moneda, la santat… sens obludar los potonors :p

Engatjaments sus ‘n’annada
  • de rendre compta dau biais de far mas pervesions (boticas, pretz, mejans…) e d’analisar las feblessas e las contradiccions, mas las forças maitot.
  • de perpausar de las eidèias per far a minjar setmanas aprep setmanas (~ tots los 15 jorns)(4)
  • de balhar quauquas receptas aisadas e los acompanhaments.
Nòtas :
1/ aquò per respondre a la granda critica de la part daus militants professionaus de l’estrema gaucha contra las organisacions alternativas (AMAP, cooperativas…), veire objectius dins ‘queu bilhet.
2/ o b’etot personalisar son porta-onda emb de las fonccions desjà programadas per far creire que v’autres atz ‘na personalitat.
3/ emai que segre dès deman mandin un regim minjaraiç es ‘na bona chausa per perdre 10 kg sus 3 mes.
4/ emai sabesse que quo es mai aisat per me de iò far, vive sòle, sens goiat-a-s, sens televicon…
Pour lire ce billet en français, cliquez sur l’image.

Liams :

Bilanç :
Publicités

2 réflexions sur “Minjar çò d’aquí 2010 – eat local challenge 2010

  1. JP la rapieta 19/01/2010 / 09:54

    Adiu,
    vene de iò visar. Coneissaviá pas l’espression locavòre, ‘la es adoptada còp-sec !

    J'aime

  2. Maime 19/01/2010 / 00:27

    Ne’n parle sus mon blògue de tot quò. Ieu maitot sei un locavòre coma disen…

    J'aime

Les commentaires sont fermés.