Los cròsnes

Dins la seria daus legumes obludats veiquí un bilhet de mai en fòrma d’invitacion cosinièra.
Los cròsnes son de las pitas raiças, rusticas coma se ditz. ‘Tencion, quò sembla char (*) perquè fau dau temps per ne’n aver, benleu 3 oras per 1 kg, mas quò es plan bon. ‘Laidonc doas receptas aisadas de far per minjar un lendeman de festa per eisemple.
Crosnes a la cresma :

  • 500 g de cròsnes
  • 50 g de burre
  • 100 ml de cresma
  • 1 uòu, afé lu jaune subretot
  • des las erbas (cerfuelh, persil…)
  • de la sau (gros gruns e pitit)
  • dau pebre
  1. Dins un pelhon botatz la sau (gros gruns) e los cròsnes, frotatz jusca veire la pitat peu tombada (un pauc coma sus las pomaterras novelas), puèi fau los  lavatz.
  2. Far bulhir de l’aiga salada per i botar los cròsnes.
  3. Dins ‘na padela, far fondra lu burre e i gietar los cròsnes bulhits. Los far sautar 10 minutas, fuòc doç. Pebratz un còp.
  4. Dins ‘queu temps, boirar l’uòu (entier o solament lu jaune) e la cresma, salatz, pebratz un còp de mai.
  5. Versatz aquela preparacion dins la padela, boiratz ‘na minutas, totjorn lu fuòc doç. Avant de servir, ajutar lu cerfuelh apchat…

Nòta :
* 10 – 15 euròs lu kg, mas fau comparar emb las mardas chocolatadas tipe Mars© que valen 30 € / kg (e i a de la graissa de pòrc, dau colesterol, dau diabète aquí dedins, benleu mesma daus OGM©)

Cròsnes sautats :

  • 500 g de cròsnes
  • 50 g de burre
  • de la sau
  • dau pebre
  • ‘na ‘lissa

Dins una padela chauda, fau far rissolar los cròsnes dins lu burre. Aprep podetz salar, pebrar o ajutar ‘na ‘lissa apchada…

crosne.jpg
L’imatge ven dau Los Angeles Times
(\_/)
=°·°=
| »)_(« |

E per rire coma los americans : uou.jpg

burre.jpg

lach.jpg

Publicités