Las costas de bleda

Dins la seria daus legumes obludats e un pauc avant la presentacion de mon grand project per l’an 2010, veiquí un bilhet de mai en fòrma d’invitacion cosinièra.

Las costas de bleda, las cardas se v’autres aimatz mielhs.

Vos fau :

  • 1 pè de bledas
  • 100 g de formatge (blu, forma d’Ambert… rocafòrt maitot per nafrar degun)
  • 1 uòu
  • 1 veire de lach
  • de la sau, dau pebre…
  1. De’n prumier nestiatz las costas dins de l’aiga e separatz la verdura de la partida dura. Atz pas mestier de la verdura dins aquela partida, mas reservatz la per lendeman (veire la fin d’aqueu bilhet).
  2. Copilhatz las bledas per las far cueire dins un’ aiga bulhanta d’aici a las aver tendras, moflas mas pas mòlas de tròp (1/4 d’ora)(*).
  3. Dins ‘na casseirola fatz chaufar la meitat dau veire de lach, lo formatge esbocinat emb ‘na forcheta, fuòc doç. Tiratz la casseirola quante lo formatge es fondut.
  4. Burratz un plat per gratinar, botatz las costas puèi lu formatge fondut.
  5. Dins la casseirola, boiratz l’uòu coma lu lach, versatz sus lo formatge. Pebratz, ajutatz la sau avant de iò metre 5 minutas dins lu forn (th 5). Podetz lu far gratinar maitot, metre de la cresma frescha…

bleda.jpg

Nòta :

* dins lu cuechvapor, botazt la verdura dins lu panier bas, las costas dins aqueu de’n dessus, 1/4 d’ora aprep, retirazt la part nauta per daissar cueire la verdura enquera un pauc.La verdura : ‘quò es pas mauaisat de preparar la fuelhas. Se v’autres las avetz cuechas dins lu cuechvapor, botatz la dins un plat per gratinar, ajutatz de la cresma frescha, ‘na pomaterra cuechvaporisada, de las olivas, dau grulhera e enfornatz per 10 minutas.
Podetz maitot far ‘na quicha emb la verdura.
(\_/)
=°·°=
| »)_(« |
chines.jpg
Una recepta de 1930 
Publicités