La confitura de gratacuòu…

Me semble ‘ver obludar de’n parlar. Vos desire de’n aver enquera par ‘massar lo melhor merti contre la gripa Bachelot-que-balha-1,5miliard-per-sos-amics-e-per-comunicar-contra-400milions-lu-trauc-de-la-SECU, un pitit marfondament per ‘queu meschent temps, breu, beleu ‘na gulha au bigòs per tornar trobar l’alen, se reviscolar, se rapialar. Fòra se v’autres crànhetz pas lo freg coma ‘n’ovelha pialada.

De’n prumier, fau culhir las baias, qua’iment dos quilograms de fruchas per esperar un quilograma de confitura e enquera. Las fau blètas, se i a pas ‘gut
de gialadas chas vos, podetz lurs far passar ‘na nuech dins un congelator.
gratacuou1.jpg

Aprep la culhida, fau las netiar quo es de dire dostar los os e los pitits piaus tant grators. I a mantunas metodas, d’aquela que fai cueir las fruchas entièras per las tamisar 30 minutas aprep jusca aquela, balhada per vòstre servitor, un pauc longa (5 oraas) beleu, mas la mai segur per pas minjar de las saloperias.
Per ostar los nogeus e los piaus, fau copar las baias a las doas estremitats, puèi ne’n doas partidas e ‘chabar per lu netiatge avant de las far bonhar 10 minutas.

‘Quò i es, avetz ‘chabats, fau pesar las fruchas, los cueir 20 minutas dins ‘na topina emb de l’aiga au ras de las baias. Aprep ‘quelas 20 minutas, fau passar las fruchas au molin a legums, mesma l’aiga de la cueisson. Tornatz la charn esbolhada dins la topina, ajutatz un veirre d’aiga e 3/4 dau pes daus fruchs pesats en sucre. Boiratz e desboiratz dau temps de la cueisson, fuec doç, 20 minutas de mai. Podetz ajutar lu jus d’un citron.
Dins un veire, botar 4 g. d’agar-agar, lo descalhar emb un pauc d’aiga e botar iò dins la topina. Far cueire 2 minutas de mai sens dobludar de boirar.

Tuatz lu fuòc e olhatz los pòts, barratz los avant de los cuar tota ‘na jornada.

Obludatz pas que ‘nar ‘massar lu gratacuòu a bicicleta porta tòrt a degun : pas de CO² fòra vòstras bufadas, pas de delocalisacion ne’n China per 1 kg de confitura, beleu un pauc de lum, segur mas tant qu’un supermerchat.
Obludatz pas la 17ema jornada sens boticar

!!!!!
Ai charchat « grattecul » sus la tiala e ai trobat ‘quò
E aquò per los nacionalistes
!!!!!
Publicités