La barra de fruchs secs e gratacuòu.

Banda d’ultragauchistes sabetz que la manifestacion es per dans ‘na setmana. Vos fau un pauc d’energia, per pas char, sens la mendra, afé quasiment sens la mendra salòparia de produchs chimics de marda de puta coma iò balha la televicon.
gratacuou.jpg
Laidonc per dos còp dietz barras fau :

Dau temps, benleu 3 oras entre la culhida e la cueisson, mas podetz ‘nar ‘chaptar dau colesteròl au supermerchat, tant que faretz la rota, passatz magrir a la sala d’esport sens obludar de prendre l’escalator o la pòrta automatica…

  • De l’òli de cobde.
  • De las baias de gratacuòu, doas grossas ponhadas = de que ne’n gardar 60 gr ‘na vetz netiadas : fau copar los dos bots de la baia, la fendilhar per la desbarassar daus òs e daus piaus que gratan per gardar finalament la peu esbocinada.
  • 350 gr de citrolha.
  • 50 gr de figa sechada copada en finas lanièras.
  • 50 gr de rasims secs.
  • opcion : 50 gr de pescha secha (o de l’aubricòt).

Boiratz tot ‘quò dins una granda topina e aprep ajustatz :

  • 100 gr de farina.
  • 50 gr miau liquid.
  • quauquas granas sechas (~30g) : virasolelh, pinhon, ametla, nosilha.

Tornatz boirar un còp de mai e ajustatz enquera :

  • 50 gr de margarina o de burre.
  • 2 uòus, sens la còca 🙂
  • un sachon de levadura chimica (‘na salòparia, segur, mas pense pas que la dau bolangier siaia bona per ‘quela recepta).
Boiratz un còp de mai e versatz dins un mòtle graissat, puèi ‘rosar d’un pau de miau. Fasetz cueir 30 minutas, forn 180°.
Demotlatz, laissatz fredir avant de tranchar ; dins un mòtle de 20 X 30 cm, ai ‘gut quauquas 20 barras de fruchs.
gratacuol.jpg
grata.jpg
~~[@!@]~~
Sem dimenc, ‘quò es pas de creire mas verai.
‘Queu filmonet es tant colhon qu’aqueus presentats autravetz dins aquela emision, mas aime ben estre un pauc colhon de las vetz.
Publicités

8 réflexions sur “La barra de fruchs secs e gratacuòu.

  1. Patricia 22/10/2009 / 21:45

    Segur que amb 500 000 personas, serà pas aisit. Veirai ben lo platat !

    J'aime

  2. Jp la rapieta 22/10/2009 / 11:26

    Vau pas ne’n far 36 kg, d’autant mai que lo temps es pas de la partida per ‘nar corir los buescs charchar las baias… 🙂

    J'aime

  3. Mela 22/10/2009 / 10:28

    òc, sembla tras que bon aquò!!!

    J'aime

  4. jp la rapieta 21/10/2009 / 19:50

    🙂
    Deman mandin, numerise ‘na fotografia de ma pita persona per la botar sus la tiala.
    Pense aquela metoda mai aisada per estre reconegut dins ‘na massa de 250 000 personas.
    Coma lo temps es meschent, sei pas segur de poder ‘nar culhir sens ‘trapar la gripa. ‘Quò sera ‘n’adaptacion.

    J'aime

  5. Patricia 21/10/2009 / 13:58

    Cossi far per nos trobar alai ? Me cal prene un asagador e tu una flor ? :-))))

    J'aime

  6. Jp 21/10/2009 / 13:53

    Me sonjava portar mas cosinadas per me tot sol perqué despuèi diluns, me’n resta qu’un pitit bocin, mas pòde ‘nar far ‘na culhida de ser, las preparar deman e las portar d’aici a Carcassona.
    Querraque, van pas purir dins lo tren

    J'aime

  7. Patricia 21/10/2009 / 12:26

    Ne portaràs a Carcassona ?

    J'aime

Les commentaires sont fermés.