‘Quo es pas tot de ramassar de las sauvatginas St Jan enquera fau-t-eu en far quauquaren. Alaidonc, ma prumièra confitura agra-doça.
Veiquí per 1 Kg de fruch, çò qu’ai ‘massat :
- los fruchs lavats e copilhats en quatre bocins (fau gardar los pepins, la peu).
- 800 g. de sucre.
- 4 g. d’agar-agar (la mesura es de 4g. per 1 Kg).
- 3 culheras de vinagre de citre (lo « Xeres » fai l’afar, maitot).
- lo jus d’un citron.
- de la cardamona.
Aquela purèa, fau la tornar sus lo fuòc, reglat doç ‘questa vetz, per quaranta minutas de cueisson. Botar lo vinagre, lo citron, la cardamona maitot dins lo topin, puèis boirar tota la cinc minutas environ. La cueisson es lenta, ‘quò sent bon e v’autres setz benaise. Escumatz donc un pauc ! Non pas sinar coma se eriatz aprep vos droguar, paubres pitits.
Dins la seconda cueisson, podetz pebrar o metre un batonet de canela.