Adam e Eva de bingois a Albi :-)

‘Quò auriá pogut estre lo sostitre dau « Roi de l’evasion ».Seriosament, l’istòria contada per la radiò me semblava un pauc ‘na babòia : un comerciau entre dos rendez-vous marcha bicar los paísans pusleu que vendre daus ‘peladors, aquò juscantau jorn ente eu sauva ‘na goiata e tombe amorós… Coma entau resumat, me penseí que lo film deviá estre ‘na conaria de mai, mas fau saber se far violència, ‘neí lu ‘visar. Ebe, per lo darnier film d’avant la rentrat, ni mon temps ni ma moneda se trobeten a dire. Le film porta daus costats « Reichian » dins sa volontat de contredire l’eidèia que ‘na vetz trobada la gent an qu’a restats a lur plaça. Mas en defòra daus perpaus de libertat, contre lo bon ordre borgès, i a tres biais gairement jamai parlats dins los comentaris legits d’aquí-d’alai :

  1. son de la gent de la terra que parlan pas coma a París, an ‘na puta d’accent, aqueu d’Albi, segur, de l’encontrada mai-que-segur. Ren que per aquó lo film es daus bons.
  2. lu francés auvit es trufat d’occitanismes***. Sens obludar que mai d’unas discutidas son copiadas sus lo model economic dominant, mas mudadas dins un espaci de venta de tractors o b’etot sus ‘n’istòria de mutacion dins lo Tarn & Garona, ‘quò apulha sus lo perpaus que sem veraiament pas chas daus pedes dins « Le Marais-París© » o dins « plus belle la vie » mas alhors en França, dins aquela dau bas.
  3. lo mai important per mon vejaire de chivalier-de-la-rampeta. Los còrs de la gent filmats son pas aqueus que podem pensar quante lu mòt « gai » es laschat. Son de la gent gròs, vielhs, usats que son fimats e non pas per se trufar, au contrari, per ne’n far una laus, enquera ‘na vetz, la libertat contra las normas.

‘Nava chabar queu bilhet sens parlar daus imatges emb de bravas colors e un cadratge sus los panoramàs coma dins los «sud-oest ern » e  subretot me fau parlar de « las doronhas ». Las doronhas son una especialitat dau cuenh, un boirradís entre lo Viagrà© e l’EPÒ©, ‘na raiça ben conhada dins lo fond daus buescs…

*** quel estiu, ai ‘gaitat la televicon, alaidonc lo jorneu de TFN3 Lemosin. Ne vole pas escupir un còp de mai sus de la gent que coneisse pas. Sus la fòrma, ‘la es calcada sus lo model de París, mas quante i a pauc à dire, quo es « ridicule » tots ‘queus copilhatge per balhar lo temps, la rota, la seguida de l’infò dins vostra region…
Ne’n mai d’aquò, i a coma dire un pitit problema, non pas sus l’accent, aquó me’n fote un pauc mas sus la faiçon de prononçar lo nom de las vilas. Fan coma lo prumier francés ‘ribat, aquò es limita se avem pas dau { saint irièkse } per Sent Iriès ~ Saint-Yrieix-la-Perche. La sola que prononçava corectament quo es la tipessa de las Charantas (me semble que las dimenjadas, lo Lemosin es de bana coma lo Peitau. Vau benleu me far petar la margoleta, mas me songe que lo Lemosin apariat a las Charantas es pas un meschent afar, ganham la mar-bronza-cuòu, lo solelh, non pas ‘nar s’enquilhar coma los auvernhats. Seriá nascut per delai la RN20 que mon vejaire seriá autre, segur, mas quo es pas lo cas, sei nascut a l’oest (Freud surt d’aqueste còrs)).
L’unic lemosinisme auvit fuguet aqueu dau tipe daus monuments istoricas, eu parlet « d’un escalier de bingois » que mena la gent a la cima de l’otèl de vila de Lemòtges. Marcé plan mossur.

var OutbrainPermaLink=’https://rapieta.wordpress.com/post/2009/08/29/adam-e-eva-de-bingois-a-albi’;
var OB_demoMode = false;
var OB_langJS =’http://widgets.outbrain.com/lang_ca.js’;
if ( typeof(OB_Script)!=’undefined’ )
OutbrainStart();
else {
var OB_Script = true;
var str =  »;
document.write(str);
}

Publicités

2 réflexions sur “Adam e Eva de bingois a Albi :-)

  1. jp la rapieta 30/08/2009 / 09:42

    Trobèri qu’èra « du grand nimporte quoi ».

    aquò me platz quante las chausas viran dins tots los sens.
    Per los accents, sei pas un especialiste de l’especialitat, aquò fai plaser d’auvir un accent « dau sud ».

    J'aime

  2. Mela 29/08/2009 / 21:56

    Putan, ben a ieu m¡’agradèt pas lo film. M’i faguèri pas cagar (mas quasi). Trobèri qu’èra « du grand nimporte quoi ».
    Per çò qu’es de l’accent…. De totes los actors, n’i a un qu’a l’accent dau país, los autres, quand an pas l’accent frachimand, an l’accent de Provença…
    D’acòrdi amb tas remarcas 2 e 3.
    L’ideia de basa del film es bona, lo subrerealisme de la patata lubrica es genialissim, mas la resulta es mens que bòf bòf bòf.

    J'aime

Les commentaires sont fermés.