Memòria de l’aiga !

« Memòria de l’aiga », quo es lo titre, « enquête ethnolinguistique sur l’eau en Montagne limousine 2007-2008 » lo sostitre. Per M. Boudy, M. Caunet & M. Vignaud.

Ai reçaugut la setmana passada lo libret que parla dau trabalh de l’IEO dau Lemosin sus l’aiga sus lo plateu de Miuvachas (ente i a Tarnac) : un trabalh d’estuda, de collectatge, d’escota.

Un trabalh que balha a veire la plaça de l’uman dins lo paísatge, coma ‘queu-quilh chamja la natura, un pauc, beucòp mas pas mai que n’i a mestier.

Un trabalh per montrar un espaci ente la gent fan pas quau que siá, ente que siá, quante que siá. Son, quela gent, los paísans, sos la dominacion d’un temps que compta las oras en maus d’eschinas, a grandas penas, en sufrança.

Un trabalh sus l’aiga, lo biais de la nomar, ‘pelar son trabalh, son saber-far, sos utilhs.

‘Na miràudia !

~~°(O!O)°~~

A la debuta, de veire totas aquelas pitas fotòs, los bocins de nòtas esparpilhats, los escrichs pitits pitits, aguí paur, mas, quante comencí la legida, veguí ben que quo es dau bon trabalh, constructiu, positiu, ente la gent, tant los paísans coma los de l’IEO, son darriers chasqua pagina.

Un darnier mot sus la fòrma dau libreton, un quasernet espiralat, un pauc coma ‘queu de viatge, plan bona eidèia.

  • Librariá occitana – Botica de l’Institut d’Estudis Occitans dau Lemosin – 26, rua Viena-Nauta (rue Haute-Vienne) – 87 000 Lemòtges
  • Telefòne & telecopias : 0 555 320 644 – libraria.occitana@free.fr
  • Lo pretz : 16 € 00
Veire maitot ~> aquí <~ voir en français.
~~°(O!O)°~~
aiga.jpg
R. Ryan Hood – Graphic Design Portfolio
Publicités