Mesma pas 200 jorns, laidonc m’esmangonhe !

Mas non, sei ben aürós de saber lo Julien Coupat defòra. Pusleu que m’esmarraunhar perquè es pas restar un chifre rond, vau botar ‘na pita revirada daus perpaus tenguts dins le Monde e quauques comentaris sus daus liams trobats de per la tiala.

Coma vivetz vos la vòstra detencion ?

Es plan bona, marcés.

Povetz nos tornar ‘pelar las circonstanças de vòstra arestacion

‘Na banda de jòunes cagolats e armats intret chas nos sens i estre convidada. Nos menaceten e enchadeneten non sens aver tot desboirar e esbolhar. Nos enleveten en de las grossas bagnolas qu’anavan coma daus desferrats. Parlavan d’un Monsur Marion [l’ancian patron de la poliça antiteroriste] que los espleits coma passar la man sus la figura d’un tipe dins la jòia d’un pòt de despart, los ‘musavan.

Nos barreten quatre jorns dins lurs « preijon dau pòble » sens jamai ‘restar de pausar de las questions colhonas coma dau lessiu. Aqueu que semblava estre lo chap de l’operacion s’escusava un pauc dau circ mas esplicava que ‘quò veniá daus servicis, que a la cima quò fermijava perquè n’autres eran mauaimats.

A ‘questa data, mos ravissors fugen totjorn.

Bon, vau ‘restar ‘quí, perquè ‘quò a pas degut estre la jòia tots los jorns per lo Coupat. Per èsser franc, m’era jamai ‘restar de segre l’afar, de la debuta au darnier regiet, lo 12 de mai, de la quatresma damanda de mise en libertat, en passant per los noveus avocats.

La question es totjorn la mesma, perquè daus actes de vandalisme dins un cas poden esser classats coma daus actes de terorisme ?
Avant de claur ‘queu bilhet e balhar daus liams, convide la gent a ‘nar sus BFMTV auvir la Ruth Elkrief  bada sus los de Tarnac… sem tornats ne’n 1940. La cima dau ridicul, quo es quante un daus tipes parla de la sequestracion coma « d’un quart d’òra Warholien ».

200 jorns de preijon, 6 mes de detencion son egaus a un quart d’òra Warholien

Chaba d’intra e benvengut a l’aer liure, vas benleu poder nos aidar per far ‘na critica seriosa de l’Insureccion que ‘riba.

  • Legir daus escrichs dau Julien Coupat (sei pas sus la mesma linha, segur, mas bon, i a de l’eidèia).
  • Deschargear l’insureccion que ‘riba (per comprendre perquè aprep aver chiar sus beucòp de monde, n’i a pauc per prener lo parti de la justícia. I ai legit que mesma los descreissants son daus cons, mesfia pitit !).
  • L’umorist Didier Porte aima pas los occitans, mas as totjorn pres la defença de la gent de Tarnac, mesma contra lo patron dau Point, pòrta paraula dau Tasrkosy.
lopunt.JPG
Publicités

Une réflexion sur “Mesma pas 200 jorns, laidonc m’esmangonhe !

  1. surrue89 29/05/2009 / 10:39

    Sept mois de prison infligés à un innocent pour faire monter une sauce politicienne au goût infect, dans n’importe quel pays démocratique cela vaut une démission.

    J'aime

Les commentaires sont fermés.