Lemòtges – París = 2015 = 55 minutas

Dins lo cadre de la reforma e de la modernisacion (1) daus territoris, i a una partida qu’es pas estada comentada : los transports.

Ier ser, lo 31 de març, sei ‘nat a la prumièra reunion sus la LAE 2015 (Linha Aeroportada Express « París – Orleans – Lemòtges » (e benleu un jorn Tolosa)). La reunion erá a Orleans perqué i a desjà la linha esperimentala e lo president de l’Agglò la pensa tornar dubrir (2) dès la debuta 2011.

Quò es ‘na version renovada de l’aerotren, mens gormand, pus ecologica (l’aer e los animeus son liures per circular jos lo monoralh) e subretot quo es l’estencion d’aici a Lemòtges qu’es bona per la vila e los liams París – provinças.

Quauquas 55 minutas per far la distança, quò pòt pas esser tant meschant que quò, aprep fau veire l’estuda de la linha sus plaça. 2015 quò es per la duberta totala de la LAE.

nòtas :

1/ fau legir ‘quí quauquaren de normalament progressiu.

2/ aprep l’aver netiada.

Dos sits sus l’aerotren, lo prumier e lo second !

Paubres pitits, ai marchat sus la distança (~ 12 km) i a quauques 10 ans per cachar las salòperias daus nazis… sem pus tot joune ! !

~~~

Trobat sus la tiala e botat ‘quí lu 4 de genier…
Publicités

2 commentaires sur « Lemòtges – París = 2015 = 55 minutas »

  1. Aviá mestier de far quò, perqué en queu moment l’aer es pas dau pus brave de per aquí, a Orleans.
    Adonc tapar un peis d’abriu dau temps de la pausa es un exercici plasent…

    J'aime

  2. Adiu,
    Regularament lo peis d’abrial … aerial tòrna venir dins la premsa. Es pas original… edr !
    Car se la causa arriba, a Tolosa, la maquina sobre la LAE passarà per Blanhac e aurà pas mestièr de daissar passatgièrs car serà dins los aires ?!?!
    edr !

    J'aime

Les commentaires sont fermés.