Per los de Tarnac

le
photo_0302_459_306_16278.jpgSei aprep preparar la tuta per dimarç que ven, adonc lo punt sus Tarnac e sus los contròtles de la policia.
Quò, mai que mai que i a de la gent, l’ai auvit ier au ser per la projeccion d’un film sus Chomsky, i a de la gent que semblavan pas aver compres que i a mai d’una afar.

La prumiera revelada sus lo repondor de « là-bas » lo 18 de novembre e dins la Depeche lo 27 dau mesma mes. Lo tèxte dau professor es disponible sus queu blòg.

La segonda, l’afar ente un pair a botat sus la tiala lo temonhatge de sa gamina aprep ‘na descenta de policia, es de legir aquí.

Espere ne pas m’estre entraupat dins mas charchas…

Per los de Tarnac, i a mai d’una initiativa de presa, lo sit prumier dau sostenement es « soutien11novembre« . Pense que i a de mens en mens de riscas de los veire inculpats per  » terrorisme « . Ne’n mai d’aquò, espere veire quauques personas balhar de las escusas : los e la ministres, los-las jornalistes, quauques militants de l’estrema gaucha d’Orleans.

Ai pas pogut ‘chaptar lo « Libé » ente lo Benjamin Rosoux conta l’afar. Dins queu jorneu, eu balha son punt de vuda e torne dire son innocéncia. Se eu se troba defòra, quò es pas parrier per lo Julien Coupat e sa ‘mia, Ydlune, sens dobludar dos autres membres dau gròp. D’una manièra generala, i a ‘gut la volontat de far ‘n’afar de comunicacion dins lo mesma esperit que  » Villiers-le-bel ».

Per auvir un bocin de la parlicada dau Benjamin, picatz ‘quí

Los dimecres 10 e dijòus 11 de decembre, lo Mermet dins « là-bas » a realisat un reportatge dins Tarnac. Quò fuguet pas aisat e i a quauques moments un pauc chiant dedins (… »avetz auvit, amics auditors, la gent son silenciòs aquí, dins ‘quela terra reculada…), mas ren que per lo montatge de la parladura dau Bourseiller-lo-parlor-dès-que-i-a-un-micrò-tendut, quò es plasent. En veiquí un d’esplecialiste especialisat dins l’especialitat dau purit dau cerveu.

Sens obludar lo sit Libertat d’espression per occitània e lo dau Jacme aquí.

Un liam sus la radiò OCL Reims

http://oclibertaire.free.fr/plugins/Lecteur_multimedia/neoplayer_maxi.swf

E per ‘chabar queu pitit bilhet, perqué me fau trabalhar, ‘na frasa tirada d’un article responsa per lo Val aprep que queu colhon a fach un boiradís dintra « là-bas », « Chomsky », « Ben Laden ».

Quante lo buschairon entret dins lo buesc emb sa apcha dins la man, los aubres s’assuausetan. De visar la apcha, se dijián : lo mangle es daus nòstres.

Persona desconeguda.