Los occitans son venduts a la CIA

E l’Occitània es envasida per los AVI !
Los occitans son venduts a la CIA, vaiquí perqué Melanchian-Tse-Tong los aima pas. Quò es la trista conclusion de ma serada tant clafotis coma flaunhardas. Sabetz que de las vetz sei un-pauc-totjorn-de-romar-per-un-ren mas ai totjorn pensat que davant lo minjar, lo cur daus òmes se fai mai tendre, un pauc coma las pèrnas de la laitièra emb lo temps que passa.
Coma n’i avia gaire de monde lo perqué de la grafia occitana s’es trobat vite reglat fòra una reflexion d’un tipe de l’Alternativa Liberticida, tendéncia Staline per lo quau :
-Le français est la langue de la République, ils ont raison les académiciens.  Si tout le monde se met à parler…
-L’espéranto en Europe !
Ai dich ne’n li copant la paraula.
Li perdone perqué quò es pas aisat d’èsser foncionari e d’anar cridar « França, ieu chie sus ton drapeu » dins ‘na manifestacion. Freud es pas dins las paginas jaunas dau pegaaurelha benleu. Queu tipe es l’un daus mai braves exemples de l’insuccès de la gaucha aquí, a Orléans, perqué fau saber restar « pur ». Paubre vielh cobés qu’a mancat far arrestar daus sens papiers de pas voler èsser dins lo collectiu « emb la CGT » (quo es conegut que la CGT es un sindicat d’extremistes, bon, dirà ren ‘quí sei a *f*t, mas ai de bonas rasons, crese me)…
Vau ‘restar ‘quí per pas romar de tròp.
T! Aviá ublidat lo titre de queu bilhet. Quò es un tipe dau PC-CGT, l’endeman après miedjorn, ne’n me visant legir un article sus lo Tibet que me damanda :
Mas, los movaments occitans, serián pas finançats per la CIA de las vetz, coma Reportaris Sens Frontieras ?
Plejat de rire, vertadierament, espofidat de rire, paubre de nos !foulem.jpg
Ne’n mai d’aquò, de legir las nòvas d’Occitània, sei tombat sus queu tipe a Tornafuelha qu’es obsedat per los AVI (Apleches Volaires Inconeguts d’aprep Cantalausa). Per lu trobar quò es pas malaisat, dins un motor-charchador, claverdatz « OVNI » « A380 » « TOURNEFEUILLE », e lu vaiquí ‘ribat.Bon, ne vòle pas me mocar, quò es pas lo genre de la meijon, ai donc realisar las charchas emb « OVNI » solament. E lalà ! Una vagua d’AVI es ‘quí e degun ditz ren.
De l’isla d’Yeu jusca a Tolosa, quò es un invasion de la França.

Mas d’aprep los comentaris sus los sitis o los joèbs, i a una rason. Quante ai legit quò, me sei dich :

Quo es la fauta de las lengas de las regions !
E ben non. V’autres eratz pas sens saber que la guerra d’Iraq es per recuperar una secopa. La mesma benleu qu’a percutat lo World Trade Center o b’etot aquela qu’Israel a ‘nat querre au Liban… fin de partida per me, sei « out ».

Sabe pas mas totas ‘quelas vertats cachadas (per l’Isla d’Yeu, lo mistèri es resougut segon lo figarò !), me fan dire que sem mau barrat. Es-quò de dire qu’avem besonh d’aver ne’n permanènça un enemic (josieu, gai, francmaçon, CIA, la starac) per ne pas gaitar lo monde dins sa (trista ?) realitat ?

La question demòra posada, ai nonmàs lo temps de postar queu bilhet, qu’ai un film de gaitar. Un film sus un ExtraTerrestra capturat per los japonés, son mai forts que nos autres los japonés.

Nòta : ‘natz veire lo sití de la Mela, i a la videò d’una veitura que monta sola ‘na còsta
Publicités

2 commentaires sur « Los occitans son venduts a la CIA »

  1. de qué a begut l’òme ?

    Dau cafe ne’n podra mas ai ben paur que quò li a iofilisat la cervela e las facultats de veire lo monde dins n’autre biais que « totas las chausas non comunistas son manipuladas per la CIA ».
    Sus lo oèb n’i a de mai dangeirós ? clavarda dins un motor de recerchas autre que gogol : « illuminati » »bilderberg »…

    J'aime

  2. soi plegat de rire, puèi me soi demandat : de qué a begut l’òme ? Quina especialitat tant fòrta lo podrà far virar aital ?
    Explica-me un pauc.

    J'aime

Les commentaires sont fermés.