Chafre de domeni (punt) òc

L’Internet Corporation for Assigned Names and Numbers (ICANN) es l’organisacion que governa l’atribucion daus noms de domeni generics e que s’apresta a liberalisar lo merchat. L’ICANN voudriá survisar lo debarrament de queu processus. Ne’n boirant tot l’internèt se balha quauques limitas.

De balhar la possibilitat per chadun de farjar la soá extencion dins una forma de depaus, vaiquí lo subjècte de l’amassada public internacionala de ‘quela setmana a París.

.òc .bzh .cat
.lm pour los lemosins .pv .lg .gs .av .va
.em per mon embonilh :-))

Lo regent Paul TWOMEY precisa lo cadre per queu noveu dispositiu dins quatre grandas limitas fixadas :

  • respiech de las comunautats reconegudas (politiques, religiosas e culturalas (quo es bon per n’autres quò)).
  • respiech dau drech de las marcas.
  • interdiccion de la ciberocupacion (cybersquatting ne’n francés).
  • interdiccion daus chafre contraris de l’òrdre public (.terrorisma o b’etot .academiefrançaise per balhar daus exemples).

Dins sa « filosòfia » l’ICANN (quò resta daus merchands) es per èsser generós dins l’atribucion sens tròp voler veire frotjar una jongle, laidonc, a ja pensat un sistèma per reglar los litiges :

Se doas personas vòlon deposar una mesma extencion, elas an tres mes per reglar l’afar, si que non, l’extencion es mesa a l’enquant. Per complementar quò, una procedura de tipe UDRP (Uniform Dispute Resolution Policy) resta a trobar.

Ne’n mai de quò, doas autras novelas :

  1. Lo cordon d’avec l’administracion americana deuriá èsser copat, òc ben per respectar la multipolaritat dins la regença dau oèb, mas si qu’es per un cordon controlat per los merchats de la moneda, qu’es pas tant una bona novela que quò.
  2. L’ICANN es presta per deliurar lo sistèma d’adreça e l’ubrir a tot los alfabets dau monde, ideograma, cirillic e occitan de segur.
oc.jpg
Veire lo bilhet sus 01.net aquí
La seguida sus lo fòrum occitan

11 réflexions sur “Chafre de domeni (punt) òc

  1. Andriu, oc pòt anar tanben. Normalament, la màger part dels domènis an sonque doas letras (fr, uk, de, es, fi, nz, cz, co eca). La tresena letra de cat i es per fòrça, per poder distinguir cat(alunya) de ca(nada). Oc es l’acronim més conegut per Occitània, non? Occ es pas realament necessari, amai, me fa tròp pensar a occir/occit en catalan…Bon, d’acòrdi, soi un pauc « deformat » :)).

    J'aime

  2. Los tld (top level domains, ) de 2 letras son reservats aus estats, .occ es de mielh ganhar que pas .oc (mas m’agrada mai .oc)
    Damanda jà un trabelh (enòrme) la constitucion de n’infrastructura de gestion de las atribucions daus chaffres de domèni. Un trabelh que podria pas descriure en detalh, mas impausant. Damanda d’èsser en capacita de portar … la damanda, de pagar lo pretz (qu’es pas conegut denguera, 100 000 $, era juscant’aura) mai los servidors web e la mantenença que vai darrièr.
    Coneisse deguna estructura en capacitat de ò far en Occitània. E crear ‘na fondacion especiala que fai la crida a totas la bonas volontats… Hem, Auriam pogut començar per massar 20 000 botons de bralhas a Besièrs l’an passat !
    En mai, dins queste cas d’un .oc, faudrià obtenèr ‘na derogacion au guvern françès, vesetz lo tablèu …
    I a ben la solucion de far gerir l’atribucion per l’organisme que se maina dau .fr, l’AFNIC, que se maina dau .re (Réunion) mas lor damandar la derogacion e en mai de far lo trabelh, li cressetz, franchament ?
    Per contre dèut èsser possible de far valer que sian pas ‘chaptat per degun-mai, que sian reservats a l’Occitan

    J'aime

  3. un qu’a ua .lem(osina) d’.occ(asion) que marcha au .gas(c) e qu’a pas jamès avut un .auv(ari) en .prov(ença) !un qu’a ua .lem(osina) d’.occ(asion) que marcha au .gas(c) e qu’a pas jamès avut un .auv(ari) en .prov(ença) !

    EDR ! Coma l’autre dissèt 🙂

    J'aime

  4. Qu’èri seriós en díser que .occ que seré melhor que .oc ; espiatz aus catlans qu’an .cat, non ?
    Tau gascon que deuré estar .gasc, un pauc long non ?
    Que’s caut totjorn mens•hidar deus produits deu país. Sabes que lo gas de Lac es un gas con pr’amor que n’es pas demorat au país mès que se n’es anat tà París !
    Mès seriosament, lo prètz que serà mens important pr’amor qui vodré crompar .occ •lem. .gasc/.gas .auv .prov ?
    benlèu un qu’a ua .lem(osina) d’.occ(asion) que marcha au .gas(c) e qu’a pas jamès avut un .auv(ari) en .prov(ença) !

    J'aime

  5. .oc seria ja una bona chausa, degun ne coneisse OCC per occitan, non ? e puei 100 000 $ (65000) quo es pas per totas las borsas.
    Merci Joan per l’umor 🙂 EDR

    J'aime

  6. Evidentament, jo que soi en favor de .gas. Ès geniau, Andriu!!! :D. Tots darrèr lo gas!!!! Unim-nos darrèr lo gas, lo gas a tots los solèrs!!! A totun, pas quau que sia, lo gas, eh? Lo volem de Lac, plan segur!!! lol Bon vrèspe a vos dus!

    J'aime

  7. De mon punt de vista cal demandar non pas
    .oc mas .occ qu’es una abreviacion corrècta de occ(itan); personalament soi pas en favor de .lem o .gas mas soi segur que n’i a que i sómian
    Calriá pensar a s’unir mai qu’a se carncanhar
    Andriu

    J'aime

Les commentaires sont fermés.